السلام عليكم ورحمه الله وبركاته
وحشتوني اوي يا فتوكات غبت كتير عنكم ولما جيت محبتش ادخل باايدي فاضيه
كنت عامله فراخ مشويه امبارح
قولت اصورها لجل عيونكم الطريقه فرخه متنضفه ومغسوله كويس وبعدين جبت التتبله بتاعتنا
جبت الكبه وحطيت فيها طمطمايه مع اربع فصوص ثوم وبصله وواحده مرقه دجاج ومعلقه سماق ومعلقه لومي
وفلفل اسود وفلفل ابيض وجنزبيل شويه صغيرين وروز ماري وعصرت لمونه عليهم وضربتهم ف الكبه
وجبت الفرخه وتبلتها قبلها بيوم وسبتها ف الثلاجه
ودي بعد مادخلتها الفرن تتعذب قصدي تتشوي
ودي وهي بتتعذب ياقلبي
ودي بدأت تتحمر
ودي بقي لما خرجتها من الفرن ريحتها فظيعه وطعمها جنان بجد
معلش بقي دي صورتها لما قطعتها بس اتهرت مني لاني العيال كانو مستعجلين عايزين
يتغدوا ملحقتش اصور بقيت الاكل
انا كنت عملاها مع رز لاني ولادي مش بيحبوا المكرونه والف هنا يابنات يارب الوصفه تعجبكم
انا عارفه انكم شطار وبتعملوا احسن من كده
عايزه دعوه حلوة بقي وتقيم من ايديكم العسل لان ولادي بيسالوني بتعملي بقلهم بعمل موضوع لفتكات
لقتهم بيغنوا الاغنيه بتاعتها وفرحانين اوي اتركم في رعايه الله
مواضيع هذا القسم برعاية
بروج بروج 184000_4.gif فتكات غالية قوي Fatakat 184000 الكويت مع زوجي واولادي يوسف واحمد وياسين نور عنيا – مصر