بسم الله الرحمن الرحيم
السلام عليكم يا فتوكات
كلنا عارفيين ان الشاى الاخضر له فوايد كتيره اوى من ضمنها
انه بيساعد على حرق الدهون
وانه بيخفض مستوى السكر فى الدم
وبيحمى القلب من الامراض
و يخفض مستوى الكولسترول في الدم
ويمنع تشكل الجلطات الدموية غير الطبيعية
و يساعد على الوقاية من التسمم الغذائي
ويمنع رائحة الفم.
بس طبعا كل حاجه بتزيد عن حدها بتتقلب ل ضدها
و دى تجربتى
انا كنت مدمنه شاى اخضر
ماكنش بيعدى اليوم الا لما اشرب من 2 او 3 مجات كبيره فى اليوم وسعات كانوا بيوصلوا ل 5 اوقات المذاكره
و بعد فتره حسيت انى عينى بتوجعنى و فيها ضربات قلب و ماكنتش عارفه ده من ايه
بعدها رحت للدكتور قالى انتى بتشربى كافيين كتير
قلتله لا بشرب شاى اخضر بس
قالى الشاى الاخضر كمان فيه كافيين
بلاش تشربى منه وحاولى تبدليه باى حاجه (انتى كافيين )
لان الكافيين بيسحب المايه من الجسم و بيطردها بره
حتى العين بيسحب منها المايه و بيخليها جافه
ف ياريت و بالاخص اللى بتستخدم الشاى الاخضر فى الرجيم يا ريت بلاش تشربى منه
كتير لان انا جربت و زى ما نفعنى كتره ضرنى
يا رب اكون افدتكم بالمعلومه اللى عرفتها
و اسألكم دعوه حلوه ليا و لاسرتى
ama_barawa ama_barawa فتكات متميزة Fatakat 688812 الاسكندرية – مصر