صلوا على من بكى شوقاً لرؤيتــنا
بصوا يا بنات ، أنا طبعا سمعت من فتوكات كتير هنا
عن محل اولاد نصـار فى درب السعادة ، و بصراحه لما سألت عليه
قرايبى و ناس أعرفهم قالولى إنهم ناس محترمة أوى و كل حاجتهم مضمونة 100%
المهم أنا أتصلت بيهم النهاردة عشان أسالهم على تيفال سافلون
قالولى إن فيه مقاسات كتير ناقصه و إنها هتيجى على الاسبوع الجاى بإذن الله
و قالى أتصلى الاسبوع الجاى هقولك المقاسات بالاسعار بتاعتها
أنا قولت أقولكم عشان لو حد رايح يشترى ولا حاجه يستنى الاسبوع الجاى
و أنا بإذن الله الاسبوع الجاى لو حد محتاج الاسعار هقوله
و كمان سألته فى موضوع مهم جدااااااا و محيرنا كلنااااا
" الحلل السيراميك " ، أنا بقوله طيب عندك حلل سيراميك " نيوفلام "
قالى لاء انا عندى التركى ، قولتله طيب قولى التركى أحسن ولا الكورى
قالى أنا هقولك بما يرضى الله ، قالى التركى و الكورى نفس طبقه السيرااااميك
نوع السيراميك من جوااااا نفس خامة السيراميك
الآختلاف الوحيد أن التركى سـُمك الحلة 4.5 أو 5 ملى
أما الكورى اللى هو نيوفلام سُمك الحلة 2.5 ملى
و قالى الناس بتشترى نيوفلام عشان الالوان بتاعتها
بس انا الفترة دى جبت نفس الوان نيوفلام بس من ماركة التركى
هو ده الكلام اللى حصل بالضبط
أنا طبعا قولت أقولكم عشان اللى محتاج تيفال سافلون من هناك يعرف هايجى أمتى
و اللى محتار بين انواع السيراميك يعرف المعلومة دى يمكن تفرق معاه
بحبكم فى الله يا بنات ، ماتنسونيش فى دعوة حلوة
الانسة طمطم ^_^ الانسة طمطم ^_^ 1100437_3.gif فتكات هايلة Fatakat 1100437 شبرا – مصــــــــــــر