السلام عليكم ورحمه الله
ازيكو يا فتاتيك ياقمرات انتو
انا كنت فى دمياط امبارح ويارتنى ما روووووحت
طلع احمد مش زى الحج احمد خاااالص واتصدمت لما روحنا وشوفت الحاجه غير اللى فى دماغى
طبعا اتقفلت فى الاول لان انا كنت عايزه افرش نيو كلاسيك وكل اللى هناك استيل او مودرن
يعنى الكلاسيك كلاسيك ودهبى والوان وبنى وحاجات والمودرن مودرن
المهم لفينااا كتييير لحد ما استقريت على صالون سيلفر طبعا معرفتش اصوره بس هوه تحفه
لونه سيلفر فى موف وصنطوط كده وانا كنت بدور على واحد صغير عشان المكان اللى هحطه فيه 3 *4
ونيجى بقى للمفجاه اللى عايزه اعرف رايكو فيهاااا وهى السفره
وانا بلف كده لقيت سفره كلها مدهونه سيلفر والقرصه بتاعتها ازاز تحسى كده انه كريستال مش ازاز اه والله
المهم وقفت قدامها ومع انى بكره الاويمه جداااا والكلكعه الا انى وقفت قدامها وقولت هى دى
ونسال بقى الراجل بكام دى ويرد يقولنا ب 47000 جنيييه طبعا سكت ومشيت كتيير اوى اجيب سفره بالتمن ده
ف مشينا بقى وانا متضايقه لان مفيش حاجه عجبانى خالص لا نوم ولا انتريه ولا اطفال ولا سفره ولما الاقى حاجه
اقول عليها ماشى تطلع غاليه اوووى المهم حمايا بقى معجبوش انى اتضايقت كده وقالى تيب تعالى نشوفها ع الابيض
روحنا لفينااا على بتوع الابيض لحد ما لقنيها عند واحد ع الابيض بس بعد طبعا ما طلع عنينا بس نساله بكام ياعم
يقولنا ب 33000ج ع الابيض ومن غير كراسى طبعا بردو مشينا وانا اتضايق اكتر لحد ما دخلين عند واحد تانى وابص بقى الاقيها فى وشى وبكام بقى ب 20240 ج ع الابيض بردو ومن عير الكراسى والغريب ان التلاته واحد ليه فرق الاسعار ده معرفش لما لقيت كده بقى قولت بلاش استعجل ب احنا تقريبا لفينا دمياط كلها وهى مش موجوده غير عند التلاته دول
اتنين منهم اللى شوفناها عندهم ع الابيض تبع بعض بس ده معرض ع الابيض ودى الورشه اللى بتعملها
وانا بقى صورتهالكوا علشان تقولولى رايكو انا هدهنا كلها سيلفر وهنجد الكراسى موف
هتبقى تقريبا اللون ده كده
ودى صور السفره شوفوها بقى وقولولى رايكو يافتوكات
طبعا انا مصوره سرقه ف لو الصور مش واضحه حاولوا تعبوا شويه معلش وتركزوا
عاايزه اعرف رايكو بقى بامااااااااااانه اجيبها هتبقى حلوه ولا هتبقى اوفر ف مستعجلش ؟؟؟؟
n0na radwan n0na radwan 1115650_1.gif فتكات متميزة Fatakat 1115650 المنصوره – مصر