بسم الله
طلبت معايا سردين وفسيخ قولت بس اتوكل على الله واعملهم فقلت اورى فتوكاتى عمايل ايديا نزلت جبت السردين وكل اللى هنحتاجه
ملح -شطه -خل -زيت
اول حاجه جبت السردين وغسلته كويس اوى
وحطيته كله راسه فى اتجاه واحد وميلت الطبق اللى كان فيه عشان يصفى اى ميه او دم منه وسبته عشر دقايق
جهزت كيس ابيض نضيف ورشيت فيه من تحت شويه ملح وشطه وسندته على طبق تانى من تحت عشان اعرف ارص
بدات ارصه اول طبقه كل راس جنبها ديل
وبعدين رشيت الملح والشطه وانا مش بحط الملح فى الرا س لاء انا برش طبقات وبس وتكون معقوله عشان ما يبقاش حادق اوى
وهكذا تانى طبقه راس وديل برضه لحد ماخلصت كل الكمية
خلصت كل الكميه و حطيت اخر طبقة ملح وشطه وربع كوب خل ونص كوب زيت اخر حاجه عشان يقفل الهوا ويحافظ عليه
وبعدين ربطته كويس اوى واتأكدت ان الكيس مفيهوش اى هوا وبعدين لفيته فى حوالى اربع اكياس وبعدين ورقتين جرنان وكيس اخير وسبته عشر ايام بالظبط
غسلته ونضفته وشيلت القشره وفتحته من الضهر عشان اسيب الحته البيضا اللى باينه فيه دى طعمها حلو اوى لان السردين كان سمين اصلا وبطنه نضيفه جدا اديته
عصرة ليمون ورشه خل
طبعا مفيش احسن ولا اجمل من عمايل البيت وريحته وطعمه جنان والله الطعم مافرق حاجه عن الفسيخ ولحمه استوى وبقى زبده
واتفضلوا بقى معايا
ادى البصل والليمون
والصينيه دى للى هتقيم وترد زى الشاطره
وعليها فسيختين هديه
والطبق ده ل الوحشه اللى هترد بس ومش هتقيم مسحوب منها الفسيختين
واستنونى بقى اللى جاى
الفسيخ الخطير من ايد hana samir
https://fatakat.univanet.com/#2506350
ملحوظة اخيره :اوعى تخرجى من غير ماتقيمى أحسن السردين يعضك مواضيع هذا القسم برعاية
hana samir hana samir سوبر فتكات Fatakat 289156 دبي – الامارات