السلام عليكم ورحمة الله وبركاتة
ازيكم عاملين اية
يارب تكونوا كويسن
انا النهاردة جايبالكم طريقة عمل السجق نفسة في البيت
انا مش بحب اجيبة من برة وبقرف ففضلت اتمحلص لحد ما وصلت لنفس الطعم بتاع برة
المكونات بقي
مصران ضاني ( انا كان عندي الممبار اللي هوة رفيع قوي بتاع خروف العقيقة بتاع بنتي دة استخدمتة )
لية خروف برضة بتاع عقيقة بنتي هههههههه استغلال بقي مسبتش حتة في الخروف الا لما استفدت منها
لحمة مفرومة ( هههههه بس مش من الخروف )
بهارات ( فلفل اسود – ملح – بربيكيا – شطة – كسبرة – جوزة الطيب اهم مكون – جنزنبيل – قرفة )
فلفل اخصر مفروم
ثوم مفروم
انا عملت حوالي كيلو وربع لحمة مفرومة وعليها كيلو لية
انا جربتها قبل كدة بلحمة مفرومة بس طلع السجق جامد ومش حلو
اولا نجيب اللية ونبشرها وهيا جامدة
ونحط بقي بقيت المكونات كلها ونخلطها كويس جدااااا
وبعد كدة نبدا نحشي بس بالقمع علشان الممبار بيكون ضيق مش هتعرفي تحشية بايدك
وكدة شكلة لما خلصت وبعد كدة بتقسميها وتحطيها في الفريز ولما تحتاجي بتطلعيها وتعمليها زي مانتي عايزة
بجد احسن من برة وافر بكتيييييييييييييير
بس نصيحة لما تيجي تعملية بلاش تعملي كمية كبيرة زي دة لاني تعبت جداااااا فضلت اربع ساعات عقبال ما خلصت خالص
يارب بقي تقدروا تعبي وترفعوا الموضوع وتقيموا
وشكرا يابنااااااااااااااات مواضيع هذا القسم برعاية
جزرة وقطمها جحش جزرة وقطمها جحش سوبر فتكات Fatakat 487042 جوة قلب صاصا – في قلب صاصا