السلام عليكم ورحمة الله وبركاتة
انا بصراحة هاي اول مرة بعمل هيك موضوع انتاج شخصي كامل ومتكامل
وهاد الموضوع عملتة كرمال حبية قلبي …..ميسوو2016 بتمنا من الله انو تتبسطي فية ياقلبي.
وهلاء نبدا نشرح ونعرض
اول شي هاي الطبخة كتير بسيطة وسهلة وانا بعتبرها من النواشف او المقبلات يعني بتنحط بصحن صغير جمب الاكل او مع السلطات والمخللات
انتو طبعا ومزاجكم وقتها
المقادير
كيلو ونص طحين
نص كيلو عدس اسمر
ثوم
3 فنجان زيت زيتون
3 فنجان زيت درة
بدي نبة ع شي مهم هاي الكمية بتكفي 10 اشخاص
فكل حدا بيعملها يقدر حاجتة وعدد افراد عيلتة
وبس
هاي صورة العدس والطحين
هون عجنا الطحين بمية فقط ..يعني طحين ومية بس …
وقسمناهن وتركناهن يرتاحن نص ساعه
بعد ماترتاح العجينة نص ساعه نجيب العدس ونتاكد من نضافتة احيانا بيطلع فيه قشات بنشيلها وبنحطو بحلة ونصب علية مية وتكون مغطيتو مقدار اربع صوابع وننتبة منيح للعدس انو مايستوي زيادة وحباتة تتفرتك لازم تبقا حبتة واقفة بيستوي تقريبا خلال 20 دقيقة لو نار عالية
حطينا العدس ع النار ع طول بنروح للعجينة ونفردها زي هيك
ونرش طحين بقلبها هيك
ونبدا نثنيها كرمال نلفها متل هيك
ونرش بقلب الثنيات مسحات طحين كرمال ما تلزق
وبصير شكلها بعد اللفة الكاملة هيك
راح كفي الشرح بالمشاركة الجاية
مواضيع هذا القسم برعاية
كنده كنده 22262_3.gif فتكات رائعة Fatakat 22262 # – السعوديه