بسم الله الرحمن الرحيم
طبعا كلكم مستغربين من العنوان دا وأنا عارفه انى المفروض اوضح في عنوان الموضوع ان الموضوع بيتكلم علي اي بالظبط
بس انا محبتش كدا عشان عاوزه من كل اللي تدخل الموضوع تسيبلنا دعوه حلوه أو نصيحه حلوه ولو صغنونه تفيدنا بيها
وهقولكم هو أساسا موضوع دا هتكلم فيه عن مواضيع كتيره بس اهمها التخسيس وإنقاص الوزن والاهتمام بالجسم والبشرة وكل حاجه
طبعا في ناس كانت عارفه انى هعمل الجروب دا وشجعيتني علي كدا وأنا والله بشكرهم من كل قلبي لأنهم بجد حمسوني أني اعمل الجروب دا وزي ما هما هيستفيدو انا كمان هستفيد جداً جداً
بس اهم حاجه يابنات ان عزيمتنا تبقي حديد ونشجع بعض ولو واحده مننا كسلت أو زهقت من الرجيم أو الرياضه مش هنسيبها في حالها هههههههههه هنفضل وراها لما ترجع تكمل معانا
هدخل بقي في الموضوع
انا عملت رجيمات كتيررررررررررر جداً ووصلت للوزن المثالي وكنت ميه ميه بس للأسف بمجرد أني أبطل رجيم جسمي رجع تاني ودا طبعا لان الواحد استحاله يقدر يمشي علي نظام رجيم طول عمره لانه كدا هايفضل حارم نفسه العمر كله وطبعا دا استحاله يحصل فا انا قررت انى امشي علي نظام يريحني واخس عليه براحتي خالص واعمل معاه رياضة من أسهل الرياضات وافضلها علي الإطلاق وهي المشي
ونظامي هو نظام الصيام العكسي وهو أني اكل كل اللي نفسي فيه لغايه الساعه سته مساء بكميات اقل بشويه من اللي كنت باكلها قبل كدا وبعد كدا أبدا الصيام عن كل شي إلا الماء والسوائل السخنه اللي من غير حليب ولا سكر وقبل النوم بحوالي ساعه بشرب كوبايه لبن قليل الدسم المراعي أو اكتيفيا لأنهم الأفضل
وأنا عندي سير كهربائي بعمل عليه نص ساعه في اليوم
وعاوزه كل اللي بتعمل نظام للتخسيس تقولنا عليه عشان نستفيد من تجربيتها أو لو حتي سمعت اي معلومه مفيده عن التغذية الصحيه
وأنا باذن الله في كل مشاركه هقولكم علي معلومه جديده حلوه تفيدنا كلنا
بس عاوزه الكل يشارك عشان كلنا نستفيد
وأنا حبيت أني اعمل الموضوع دا هنا في المغتربات لان تعتبر كل ظروفنا واحده وهنقدر نساعد بعض في اي استفسار
وياريت تدعولي أني اخس علي خير وان ربنا يرزقني الذريه الصالحه انا وكل مشتاقة
لوجا حبيبى لوجا حبيبى 1016834_1.gif فتكات رائعة Fatakat 1016834 جده – السعوديه
سبحان الله و بحمده