السلام عليكم ورحمة الله وبركاتة
ازيكم يا احلي صحبة يارب تكونوا بخير
وكل عام وانتم بخير
النهردا بقي جيبالكم حتة اكلة تحففففففففففففة بجد
انا بصراحة كنت قلقانة جدا من الاكلة دة وخصوصا لما هتشوفي المقادير لان فيها عسل ابيض واناناس كمبوت
بس غامرت وعملتها ومقلكوش بقي طلعت رووووووووووووووعة وعجبت جوزي جدا
وحسيت اني باكل في مطعم هههههههه
يلا بقيندخل علي المقادير
المقادير
3صدور دجاج صحيح منزوع الجلد والعظم
2فص ثوم مفروم
1/4 كوب عسل ابيض
2معلقة صويا صوص+2معلقة عصير ليمون
2معلقة جنزبيل طازج مفروم+1/2 كوب كاجو محمص
1كوب فلفل الوان مكعبات صغيرة
1مكعب مرق فاين فودز
5شرائح اناناس (كمبوت )مقطعين مكعبات
1/2 كوب من الشراب اللي مع الاناناس
دة المكونات الاصلية للاكلة
انا للاسف مكنش عندي فلفل الوان استبدلتة بفلفل اخضر عادي
وضفت طماطماية مكعبات
وكمان بصلاية مكعبات
الطريقة
جبت طاسة وحطيت فيها شوية زيت وسمنة وحطيت فيهم بصلاية تتشوح
غسلت الفراخ بخل وملح وليمون
تبلت الفراخ بقليل من الصويا صوص والريحان والزعتر
جبت طاسة تانية وحمرت الفراخ بالشكل دة
بعد ما البصل يدبل شوية نزلت بالثوم
وبعدها الفلفل والطماطم
بعد ما دبل الفلفل حطيت الاناناس المكعبات
ثم عصير الليمون والصويا صوص والعسل الابيض
والجنزبيل
والسيرب اللي كان فية الاناناس
واخر حاجة مكعب المرق
حطيت الفراخ اللي حمرتها داخل الخليط السابق وغطيت عليها
وسيبتها حتي تمام السوا
ودة كان شكلها بعد ما تشربت الماية بتاعتها واستوت
ودة شكلها بعد ما ضفت معاها الصوص
وطبعا قدمتها مع الارز البسمتي
وكماااااااااااااااان مكسرات
يلا ان شالة محد حوش
وطلعت رووووووووووووووووعة
يارب تكون عجبتكم
ومستنية ردودكم الجميلة اللي دايما بتفرحني
والسلام عليكم ورحمة الله وبركاتة مواضيع هذا القسم برعاية
omyoyo60 omyoyo60 236397_1.gif فتكات غالية قوي Fatakat 236397 القاهرة – مصر ام الدنيا