ازيكو يا فتوكات الحمد لله انا ولدت من 20 يوم انا مغتربه عن مصر بس الحمد لله قدرت اعمل زياره لأمى وحماتى يجيوا على موعد الولاده انا معايا بنتين ورزقت بالثالثه الحمد لله لو تفتكروا انا كنت دايما بسالكو على التخدير النصفى وذلك لأنى بتعب من الكلى
احكيلكو تجربتى بقى صحيت الساعه 6 الصبح انا وجوزى وامى ولبست ورحت المستشفى وصلت على 7 ركبولى الزفت الكانوله ورحت غرفتى وعلقولى مضاد حيوى وغيرت ولبست الروب الخاص بالعمليات وفضلت قاعده على السرير اقرى قرأن كتير لحد الساعه حوالى10 كنت نايمه ولقيت اباب اتفتح ودخل عليا اتنين فلبنين معاهم ترولى وشالونى هيلا بيلا وخدونى جرى على اوضه العمليات وماما بتجرى ورايا ياعينى وراحو مدخلنى غرفه العمليات وركنونى جنب الباب وسابونى حوالى ربع ساعه اعصابى ادمرت فيهموقريت كل الى انا حفظاه من القران وبعدين دخلونى اوضه جوه وعلقولى محلو ل وجالى دكتور التخدير سألنى نصفى ولا كلى فقولتله نصفى عشان الكلى بيتعبنى قالى براحتك قولتله لو حضرتك هاطمنى من الكلى يا ريت قالى خليكى فى النصفى انا مراتى والده مرتين نصفى قولت ماشى وخدونى على العمليه ولقيته دخل هو والدكتوره وقالى احنا هانديكى كلى قولتله ليه قالى شكلك جبانه وخايفه قولتله اعمل الى انت عايزه وسلمت امرى لله وبدأ يدينى البنج وانا اتشاهد وفجأه حسيت انى بتخنق مش بتخدر وبقيت اقوله هاموت انا بتخنق وهو يقولى ماتخافيش والله يا جماعه كأن حد بيخنقنى وكاتم نفسى وما حسيتش بحاجه بعد كده ولما فوقت لقيت نفسى برضه بتخنق جم جرى حطولى الاكسجين وادونى مسكن وبعدين ودونى الاوضه لما وعيت لنفسى اول ماخرجت قيت ماما وجوزى واقفين ياعينى وانا على نغمه واحده براحه براحه وقعدت 3 ايام فى المستشفى هرونى ادويه ومسكنات من غير ما اطلب بصراحه الرعايه تحفه لدرجه انى ماكنتش عارفه انام ولا ليل ولانهار من كتر من ان كل شويه يفتحوا الباب ويدخلوا يقيسوا حراره وضغط ومسكنات وادويه واكل بصراحه رعايه جميله والحمد لله خرجت وكنت كويسه اه نسيت اقولكم انى جبت ريتاج وفكيت الباستر بعد10 ايام من العمليه والحمد لله بقيت احسن بس ادعولى احسن بقالى 10 ايام عندى بواسير وشرخ مموتنى الى عندها وصفه ليهم تقولى عليها أحسن هاموت من االألم وانا تحت امركم فى استفسار
دودى مهدى دودى مهدى فتكات نشيطة Fatakat 385617 القاهرة – مصر
سبحان الله و بحمده