السلام عليكن
الحمد لله عدى يوم التلات على خير لانى كنت خايفه منه قوى وده لينك الموضوع اللى فات
الحمد لله على كل حال يارب يعدى يوم التلات على خير
https://fatakat.univanet.com/#1263186
انا رحت للدكتور وشاف التحليل الرقمى وكان يوم السبت تقريبا 7000 ويوم الاتنين 10000 فقالى انه بيكبر ولما عملت سونار عنده قالى انه فعلا بيكبر وكمان قالى ان كده المشكله فى التبويض انه كان متاخر علشان البريود اساسا كانت مش منتظمه يبقى كده اللخبطه فى 15 يوم تقريبا وانى كده يبدا الشهور عندى يوم 23 وانا كده باذن الله حامل فى شهر و 6 ايام باذن الله الحمد لله
بس انا عندى طبعا مليون سؤال لانى خايفه جدا ومش متطمنه السؤال الاهم بالنسبه لى هو انه ادانى مثبت حمل اسمه برونتوجيست حد سمع عنه؟سعره 72ج وكمان هو اصلا له لازمه يعنى انا مش شايفاله فايده واى حد بياخد مثبتات؟؟
السؤال التانى بقى عن الدكتور اسمه صلاح عبد ربه هو استاذ جامعه بقاله 28 سنه تقريبا حسب ما سمعت
بس هو حاليا استاذ جامعه فعلا عياده فوق العصافيرى اللى فى محرم بك قدام محطه مصر بالظبط وعنده مركز كمان اسمه مركز سهلا جنب العياده مامتى ولدت عنده من 9 سنين تقريبا كانت بتشكر فيه بس ياريت حد راح عنده يطمنى
السؤال كمان بخصوص البواسير هو لازم كل اللى بيحملوا يجيلهم بواسير؟ وازاى اتجنب ده؟ وهى نسبة اللى بيحصلهم كده قد ايه؟
كمان النسبه بتاعة الهرمون دى كويسه معتدله يعنى لانى نسيت اساله فى الموضوع ده يعنى المعدل ده كويس؟؟؟؟؟
سؤال كمان معلش استحملونى شويه
بخصوص الاكل انا عارفه ان فى حاجات ممنوعات زى الحاجة الساقعه واللحوم المصنعه والاكل بره البيت وكده طيب الدكتور كاتبلى نظام اكل زى جدول الريجيم كده امشى عليهّ؟انا اصلا بتخنق من الجداول والنظام يعنى مفيش مشاكل لو حاولت امشى عليه من غير ماالتزم اوى يعنى
كمان انا باخد فوليك اسيد هو فى انواع ولا كله واحد؟؟
سامحونى يا بنات انا كنت خلاص اقلمت نفسى على ان مفيش نونو وكمان ان فى مشوار طويل ومكنتش فاهمه ايه اللى هيحصل وفرحتى كات خلاص انكسرت انما الحمد لله كلام الدكتور طمنى شويه هو صحيح لسه متابعه كمان اسبوعين مع موضوع الحجم ده بس انا متفائله ان شاء الله
ااااه نسيت فى سؤال بس محرج شويه انا باخد المثبت ده والدكتور كان قالى الافضل بلاش يعنى حاجات دلوقتى بس انا اصلا بقالى اكتر من 10 ايام مفيش وهو مسافر يوم الاتنين هيقعد شهر ميفعش كده اى حاجه ع الماشى؟
معلش طولت بس اختكم بقى لسه حامل جديد وبعد صدمه برضه فكان لازم ياثر الكلام ده
وربنا يخليكم لى يا فاتوكاتى ومايحرمنى من دعواتكم الحلوه ابدا ويرزقكم كلكم بالخير والحمل المعافى عاجلا وليس اجلا يارب
::::::::::::yar ab::::
شيكولاته جلاكسى شيكولاته جلاكسى 286451_1.gif فتكات رائعة Fatakat 286451 الاسكندريه – مصر