السلام عليكم ورحمة الله وبركاته
ازيكن يافتوكات انا حبيت افرحكم معايا امبارح بس عرفت انى حامل الحمد لله عقبال يارب كل مشتاقة
وهاحكيلكم قصتى علشان ادى امل لكل واحدة مستنية الحمل تثق انه الخير هييجى باذن الله
انا اولا عندى بنوتة عندها سنتين و9 شهور ومن سنة كان اللوب نزل وعند قرحة فى الرحم فطبعا شيلته واتعالجت من القرحة بالكى (على فكرة اكتشفت انه الكى غلط وماعادش حد بيعالج بيه) ولما جيت اركب لوب تانى لانى كنت عاوزة استنى كام شهر بس لانى فى السعودية لقيت تركيبه هيكلف جدااااااااا وكل المغتربين عارفين قصة اللوب دى فالدكتورة كتبت لى على حبوب ياسمين ومع انى اكدت لها انى هرموناتى اتلغبطت جدا فى الحمل وزدت حوالى 35 كيلو بس قالت لى لا عادى ده مش بيتخن واخدتها 6 شهور ولما وقفتها بالصدفة دكتورتى فى مصر كانت بتولد اختى وبتسال ماما عليا قالت لها على الحبوب قامت قالت توقفها فوراااااا انتو عيلتكم ممنوع عنها اى برشام لمنع الحمل علشان هرموناتنا ملغبطة خصوصا للبنات وبنتخن اوى مع الحمل وبعدين قعدت استنى الحمل من شهر 9 اللى فات ومافيش حاجة عملت شوية تحاليل اللى تبع التامين وطلع كلو تمام عملت سونار كذا مرة ومافيش تكيسات الحمد لله ومع انها اتاكدت انه مافيش تكيسات بس بردو طلبت تحاليل الهرمونات وتحاليل لزوجى وطبعا كلو برا التامين وللاسف هنا الدكاترة ماعندهمش زمة (مش كلهم بس نسبة منهم للاسف) فطبعا بتاخد نسبة من التحاليل قلت لها انا مسافرة مصر لما اروح هناك اعملهم احسن وارخص كتييييييييير ولما نزلت دكتورتى قالت لى مالهاش لازمة طالما عملت سونار مهبلى ومافيش حاجة بس نعملهم مافيش مشكلة وعملتهم انا وزوجى تمام الحمد لله فالدكتورة قالت لى خلاص مش هتاخدى منشطات الشهر ده لانى اخدت قبلها شهرين واستغربت انى طبعا بعد الحقنة التفجيرية الدكتورة مش بتعمل متابعة بالسونار ولا حاجة زى مصر ورحت اليوم العاشر من الدورة عملت سونار لقت واحدة حجمها 11 دى الكبيرة اللى موجودة قالت لى لا صغيرة ادتنى حقنة منشطة وبعدين رحت اليوم 13 لقتها كبرت بقت 18 قالت نستنى تانى عملت سونار تانى ال14 لقتها بقت 20 الحمد لله ادتنى الحقنة وحددت لى ايام الجماع وطبعا مختلفة خالص عن اللى كان بيتقالى فى السعودية وبعدين رحت اليوم 16 لقتها انفجرب وكلو تمام الحمد لله وسبناها على ربنا بس كنت مقررة لو مافيش حمل مش هاخد منشطات تانى واخليها حاجات طبيعية لانى زهقت من الحبوب والحقن
معلش طولت عليكم بس حبيت افيدكم بتجربتى يمكن واحدة تاخد بالها من حاجة وتنفعها وعلى فكرة الدورة الاخيرة كانت غريبة اوى اوى لانه جات بدرى يومين عن ميعادها ونزل الاثنين نقط بنى بس ولغاية يوم الخميس عملت مجهود نزل دم وماقعدش كتير ويوم الجمعة نزل حاجة زى حتة اللحمة اللى فيها جلد حتى افتكرتها سقط الدكتورة قالت لى لا دى انسلخات من الرحم واللى عرفته بعد كده انه كده الرحم بيتهيا لحدوث الحمل باذن الله خلو بالكم اللى يحصل لها كده تظبط نفسها فى التبويض اللى بعده وتركز علشان ربنا يكرم ويحصل حمل باذن الله لانه اختى وسلفتها حصل معاهم فعلا كده وبعدها كانو حوامل بفضل الله
ويااااااااااااااااااااارب يرزق كل مشتاقة الذرية الصالحة
فى رعاية الله
mai18 mai18 30094_3.gif فتكات رائعة Fatakat 30094 فى قلب حبيبى – الرياض
سبحان الله و بحمده