السلام عليكم ورحمه الله وبركاته
ازيكو يااحلى فتكات
اتكلمنا عن الاسعافات الاوليه
وبالاخص عن الحروق
وده الرابط
الحقى …اوعى تحطى تلج .
https://fatakat.univanet.com/#2135359
والمرادى جيبلكو موضوع مهم اوى
والثانيه فيه بتفرق اوى
اه والله ثانيه ممكن تكون سبب فانقاذ حيات انسان
عشان كده انا جيت اكلمكو عن
.
.
.
التنفس الصناعى
نبتدى بسم الله
اول حاجه انتى شوفتى حد واقع انتى مش عارفه ده مغمى عليه ولا ميت ولا حى ولا ايه الى فيه اصلا
هتعملى ايه؟؟؟؟؟؟؟
لالالالا ازاى تقولى مليش دعوه
او اتصل بالاسعاف
او اخاف
على بال ما تقررى ولا الاسعاف تيجى يكون الحاله ماتت وشبعه موت
او جرلها اى شىءسىء لا قدر الله
نعمل ايه
اول حاجه اقرب من المصاب اتاكد ان النبض شغال والتنفس شغال اعرف منين
احنا بنرجع راسو للخلف ونفتح الفم
علشان نوسع ممرات الهواء
انا هنا بحط ودنى على الفم عشان التاكد من التنفس
تقدرى تحطى اصبعين زى الصوره عند الرقبه يا من اليمين يا اليسار
وتشوفى النبض وخلى بالك من حاجه مهمه
متفكريش تقيسى النبض بالاصبع الكبير
الابهام
عارفه ليه لان الاصبع ده فيه نبض فو حطتيه على رقبه المصاب الى هتحسى بيه ده نبضك انتى مش نبضو
لو اطمنتى على النبض والنفس او اذا ندهتى على المصاب واستجاب يبقى الحمد لله فايق ونبتدى نشوف فيه ايه عشان نعرف نتعامل معاه
ملحوظه مهمه جدا
اذا كان بيتنفس بس فاقد الوعى يبقى نخلى على جمبو مش نايم على ظهره عارفين ليه علشان خاوفا من انه ممكن يبلع لسانو او تنزل اى شىء يسد مجرى الهواء يبقى نخليه نايم على جمبو ونتاكد ان مفيش حاجه داخل الفم زى طقم اسنان اكل او قىء علشان يبجى مجرى التنفس سالك ويسهل عمليه التنفس
اذا لقدر الله ملقتيش نبض او نفس ومفيش اى استجابه لو هزتيه بالراحه او ندهتى عليه يبقى هنا لازم تعملى
تنفس صناعى
ممكن واحده تقول ايه الى يخلينى اتعب نفسى واتعلم التنفس الصناعى منا هكلم الدكتور او الاسعاف انتى تعرفى ان الانسان ميقدرش يوقف عن التنفس من4 الى 6 دقائق اكثر من كده يتوفى لقدر الله وانتى يادوب على بال ما تتصلى بالتليفون هتكون ال6 دقائق عده وكمان توقف التنفس لفتره معناه منع وصول الاكسجين الى المخ وبالتالى بتتلف بعض انسجه المخ وده له اثار صعبه جدا ربنا يحفظنا جميعا وعلى ايه ما الموضوع سهل وبسيط
طيب فكرتو ايه الاسباب الى توقف النفس
(الغرق- الاختناق- الصدمه الكهربيه-النوبه القلبيه-اصابه الراس والصدر – الافراط فى تناول بعض الادويه منها المهدئات والمخدرات)
نيجى بقى لطريقه التنفس الصناعى
نتاكدمن تحرير الهواء يعنى مجرى الهوا سالك
نرجع راس المصاب للخلف ونفتح الفم عشان يتنفس بسهوله ونتابع حركه الصدر عشان نتاكد من التنفس
1-اغلق انف المصاب واطبق بفمك على فمه باحكام واعطيه نفخه بعمق حتى تلاحظى ان صدره بيرتفع
فى حاله لو بتعطيلو نفس يعنى بتنفخى جامد وصدره مابيتحركش يبقى النفس مش بيوصل يعنى معناه ان فى انسداد فى مجرى التنفس مدى اصبعك داخل فمه يمكن يوكون فى حاجه محشوره
2- عند عظمه القص بجانب المعده بتضغطى بكلوت ايدك الشمال وتضعى اليمين فوقها وتضغطى 5 ضغطات وتعطيه نفس وترجعى تضغطى 5 ضغطات
تتاكدى ان النفس بدء يرجع تانى
وده فيديو حلو اوى هيوريكو الموضوع عملى
https://www.youtube.com/watch?v=blRDd…FC33CEE498BF28
والله الموضوع سهل ومهم جدا لو اتعلمنا هيفرق معانا كتير اتمنى يكون فدكو
وياريت التقييم يااحلى فتوكات والدعاء ربنا يعفو عنا جميعا ونتقابل فموضوع جديد ان شاء الله من الاسعافات الاوليه
للامانه الصور منقوله وبعض المعلومات من مواقع وكتب علميه
مشمشتى مشمشتى 123858_1.gif فتكات رائعة Fatakat 123858 الاسكندريه – مصر