نبدأ بسم الله
هانحتاج لفه جلاش و اسباجتي مسلوقه ولحمه متعصجه عليها بسله مسلوقه نوعين فراخ ولحم بقري
طبعا ممكن نعتبر الموضوع كله اعاده تدوير برضوا بمعني ان الاسباجتي والمفروم المتعصج كل ده بواقي كانت عندي وبعيد تشكيلها حتي لو الاسباجتي اللي باقيه كان عليها صوص او سوسيس برضوا تنفع
في البدايه عشان احافظ علي لفه الجلاش وما ينشفش الباقي مني وهي ملفوفه زي ماهي قستها ع البايركس او الصينيه اللي هاستخدمها وقصيت الباقي وهي ملفوفه وشيلته في الفريزر في لحظتها قبل ما افرد واشتغل
هافرد وادهن ذبده سايحه مع معلقه زيت وممكن من غير ماتدهني لو عامله دايت
واحط الحشوه ع الطرف اسباجتي وعليها معلقه مفرووم متعصج
والف رووول مظبوط ع الحشو وارص في البايركس طبعا مدهون سمنه
لحد ماخلص حشوه ابدأ في التانيه عشان يكونوا جنب بعض في الصينيه واعرف اميزهم
ودي اللي بمفروم الفرااااخ
وفي بالمفروم البقري لوحده منغير اسباجتي يعني في 3 حشوات مختلفه في صينيه واحده ودي الفكره الجميله في الرووولز انك تشكلي
زي مانتي عاوزه وممكن تغير في الحشوات
واجهز بقي كوب فيه بيضه وزيت وحليب بصوا ياجماعه اول حاجه افقش البيضه في الكوبايه وبالنظر كده احط زيت قد الساائل بتاع البيضه وكذلك الحليب يعني كل حاجه التلت قد بعض واقلب ملح وتوابل معاهم
كده هاقسم بس الروول اتنين يعني هامشي بالسكينه في النص بالضبط مره واحده مش هاقطع كتير واسقي بيهم الصينيه كويس بعد التقطيع
ودخلي الفرن ياجميل في الرف الوسطاني وشغلي تحت وفوق
طيب ممكن الم البواقي دي بطريقه حلوه ويبقي طبق جنب صينيه الجلاش
ايوه لميت الاسباجتي علي معلقتين المفروم علي نصف كوب رز بسمتي واحط ميه الرز بس لان كله مستوي واضبط ملح للرز بس واسويه عاادي خالص زي ما بسوي الرز وده شكل الرز لما استوي
بجد كااان طعمه تحفه وكمل الاكله ولم الباقي
وده الجلاش اول ماطلع سخن ملهلب
^-^
باقي الصور المشاركه الجايه يالا عاوزه دعوه حلوه 
وانزلي خدي طبق
تابعوني مواضيع هذا القسم برعاية
sabrein sabrein 399849_15.gif برنسيسة فتكات Fatakat 399849 في ارض الله – في ارض الله