اهلا بيكوا حبايبى وحشتونى جدا جدا
بس انا زعلااااااااااااانه خالص منكوا اولا مش كتير اللى بيقيموا… للدرجادى الموضوع مش عاجبكوا ؟؟؟؟؟؟؟؟؟؟؟
ارجوكوا اللى تدخل تقيم الموضوع لو عجبكم
ثانيا : اللى بيتبع النظام مابيدخلش وتقول ايه الاخبار وخست اد ايه وصحتها عامله ايه ؟؟؟؟
ممكن لو سمحتوا ناخد الموضوع جد اكتر من كده ….
عشان كده عايزين نبتدى نظام جديد . ازاى ؟؟؟؟؟ اللى هاتخش هاتقول
الوزن
الطول
نفسها توصل لكام
هابتدى من يوم كذا وهادخل يوم كذا اقول انا خسيت اد ايه
اتفقنا!!!!!!
نبتدى بقى … النهارده انا جايبلكوا نظام من الانظمه اللى انا حبتها اوى لانه فى اكل جمييييييييييييل جدا . النظام ده نزلت فيه 3 كيلو فى 10 ايام .
وطبعا كالعاده مش هاوصيكوا على الشروط بتاعة النظام الغذائى وهى :
1-المشى من نص الى ساعه يوميا
2- شرب 3 لتر ميه يوميا
3- ممنوع الاكل بعد الساعه 9
4- شرب كوب ماء دافئ يوميا به معلقة عسل ابيض ومعلقة خل تفاح . وده فايدته ان اللى عندها قولون بيظبطهولها فتهضم كويس وميبقاش عندها امساك وبالتالى تنزل فى الميزان.
ماشى يا قلبوظات يا جمال انتوا !!
على الريق يوميا :
كوب عصير برتقال او ليمون محلى بعسل
الفطار :
طبق صغير جبنه بيضا من غير ملح او 5 معالق فول بزيت الزيتون او معلقتين مربى اى نوع ( على فكره بتدى طاقه وبتتحرق بسرعه)
+ نص رغيف
+ سلطة فواكه (مفيش فاكهه ممنوعه)
+
علبة زبادى
+ مشروب ساخن او بارد محلى بعسل
بين الغدا والعشا :
قطعة شكولاته ساده
الغدا :
نص رغيف بلدى او 4 معالق رز
+طبق سلطه خضرا(واضافه بقدونس +زيت زيتون + 2 معلقة خل )
+بروتين (سمك او قطعة لحمه او صدر فرخه او تونه او بيض )
بين الغدا والعشا :
طبق شوربة لسان عصفور او شوربة خضار
العشا :
زبادى او سلطة فواكه او طبق بطيخ صغير
ها ايه رايكوا بقى ؟؟؟؟اوعوا تنسونى فى التقييييييييييم .يلا باى
cute monni cute monni فتكات نشيطة Fatakat 464038 cairo – egypt