ازيكم يافتوكات ياجميلات ياقمرات
عاملين ايه وازى شعرك انتى وهى يارب يكون بخير اللى جابلك يخليلك يارب
بصى ياكتكوته انتى وهى انا كنت بستعمل ورق سدر لشعرى بقالى فتره هو فعلا كويس بس مش النتيجه اللى بترضينى والتساقط زى ماهو كنت بجد بخبط راسى فى الحيط من شعرى خصوصا انى قصاه من 10شهور كده وبعدها على طول اتخطبت وكالعاده طلع بيحب الشعر الطويل
كنت بعمل لشعرى ده البدع المهم جيت يوم السبت قولت اروح اساوى طروف شعرى لانها كانت مقصفه وماتسالينيش من ايه لانى هرد عليكى ببساطه واقولك دى عين واحده ربنا ينتقم من الظلمه يارب فى اسبوع جابته الارض متمكنه وبعد ماكان طول شويه امت قصاهولى خالص يادوب مغطى رقابتى وقالتلى علشان يطول وينبت شعر جديد اعمليله ثوم
انا مااتاخرتش واول ماوصلت البيت فرمت ثوم وحطيته على شعرى
افففففففف على دى ريحه استغفر الله وبدء جلد شعرى يوجعنى جدا ومش قادره اتحمل الريحه
قمت غسلته والريحه بردو ماراحتش قلت مابدهاش بئه بلاقرف انا اروح لدكتور احسن
الدكتور بئه قال ايييييييييييه وهو ده المهم بدل اللك اللى بقوله ده من الصبح
الدكتور قالى ان بكل بساطه الثوم بيعمل حساسيه فى فروه الراس وكان هيخبط راسه فى الحيط وكتبلى على حقناااااااه يانى هى تقيله جدا بس الصيدلى قالى انها بتمنع التساقط
وادانى بورشام اه وربنا فيه زينك وكلام من ده هو مكمل غذائى
وكتبلى على شامبو اسمو كاتى هو بالاعشاب وادانى زيت روتاج بس ريحته تجنن من الثوم
يارب ماتعيد ريحته تانى
وانا كمان مااتوصاش انا مش بشرب لبن ولا باكل خضار خالص
بس من ساعت ماجيت من عنده فعلا غيرلى حياتى دلواتى بشرب لبن واحليه بمعلقه عسل ابيض رغم انى عامله رجيم بس ضنايا اهم ومن ساعتها طول النهار باكل خضار وفاكهه الحمد لله وغيرت حياتى
بالله عليكم ادعولى ان ربنا يشفى شعرى يارب
اها وماتنسيش طلعى صدقه كده بنيه ان ربنا باذن الله يشفيلك شعرك
وميرسى ليكم على حسن استماعكم ومعلش دوشتكم
اسيبكم بئه واروح اشوف الاكل على النار احسن امى تقوم تولع فى
ssmh ssmh 138453_3.gif فتكات متميزة Fatakat 138453 المنصوره – مصر
سبحان الله و بحمده