كيفكم يافتوكاتى
عاملين ايه فى التلج ده
النهاردة جيبالكم بهاراتى اللى باعمل بيها احلى اكلاتى
بهارات اللحمة
وباحطها فى معظم الخضار حتى لو من غير لحمة بيديله نكهة حلوة جدا
وفى المحشى
واااااااااااااااااااااااااااو
ادى شكلها بعد ماطحنتها فى الكبة
هتجيبيها من العطار
كالاتى
20 جم كبابة صينى
20 جم زعتر
20 جم حبهان
20 جم اكليل الجبل
20 جم فلفل ابيض
20 جم جنزبيل
20 جم زر ورد
20 جم كزبرة ناشفة
10 جم قرنفل
5جم قرفة
5 بلحات جوزة الطيب(بس طلعت حرام بلاش احسن)
هما هيعملوا حوالى ب20 جنيه ولو عاوزة كمية صغيرة ممكن تجيبى النص او الربع
دى القرفة (عيدان)
وده الجنزبيل والكزبرة
جبتهم مطحونين لانى مالقيتش غير مطحون
دى الكبابة الصينى والحبهان
وده اكليل الجبل والقرنفل
وده الفلفل الابيض و زر الورد
هتطحنى كل حاجة وحدها
والقرنفل تدقيه الاول قبل ماتحطيه فى الكبة
وجوزة الطيب كمان
معلش نسيت اصورها
شكلهم حلو والريحة احلى بجد
تقلبيهم مع بعض
تعبيهم فى برطمان كبير وواحد صغير
تقفليهم كويس عشان يحتفظوا بنكهتهم الحلوة
هتخلى الصغير فى المطبخ عادى للطبيخ مع الكمون والفلفل
وده تشيليه فى التلاجة وتاخدى منه اول بأول لما البرطمان الصغير يخلص
بجد البهارات دى حلوة وبتخلى ريحة اكلك روعة
فى كل انواع اللحوم (بس بصراحة مجربتهاش فى الشوربة)
بس ممكن تحمرى بيها اللحمة بعد ماتنشليها من الشوربة
وفى الخضار والمحاشى
تحطى معلقة فى الاكلة اونص معلقة حسب الكمية
جربى وادعيلى
مواضيع هذا القسم برعاية
ام يوسف واحلى بنات ام يوسف واحلى بنات 429970_11.gif مشرفة الموقع Fatakat 429970 بيتنا الجميل – مصر