اهلا بكل الاخوات وكل عام وانتم بخير بقرب حلول عيد الاضحي المبارك اعاده الله عليكم بالخير واليمن والبركات
باختصار انا جتلي بطة هدية من صاحبتي لسه راجعة من الاجازة في مصر الحبيبة
طبختها بطريقة سهلة جدا وسريعة الي حدا ما
وده شكلها بعد التحمير
الطريقة
نضفي البطة كويس جدا باستعمال ملح او دقيق او خل او ليمون مع ميه ثم تكرار شطفه كذا مرة زي كده
حضري حلة كبيرة تاخد البطة علشان تستوي كويس
حطي ميه وعليها فلفل اسود وحبهان صحيح او مطحون وفص ثوم وبصلة صغيرة وعود كرفس وممكن قرنفل وقرفة
وسيبيهم يغلوا كويس علي النار وحطي البطة وسيبيها تتسلق علي نار متوسطة بعد ماتاخد غلوة
اتركي البطة تنضج حتي ساعة ونص الي ساعتين
وده علي حسب حجمها
وممكن تعرفي انها استوت لما تغرزي شوكة في لحمها بكل سهولة
وياريت اثناء السلق تقلبيها علي الجهة الاخري علشان تستوي كويس من جميع الجهات
وبعد ماتستوي كويس هتخرجيها من الشوربة
وتمسحي جلدها بسمنة او زبدة
وتدخليها الفرن لحوالي ربع ساعة
علشان تاخد لون محمر
وممكن تشغلي الشواية لوبتحبيها متحمرة زيادة
ولكن بدون مبالغة علشان ماتنشفش منك
مع البط يحلي محشي الكرنب او العنب او الفتة وخصوصا في العيد وبتكون هايلة مع صينية الرقاق باللحمة المفرومة
وفي العزومات ممكن تعمليها مع البانيه والمكرونة البشاميل
والملوخية وشوربة اللسان عصفور والسلطات
اما النهاردة طبختها مع قلقاس بالصلصة وملوخية ورز
اتمني اني الموضوع يكون افادكم
في رعاية اللة
مواضيع هذا القسم برعاية
قلب ايطالي قلب ايطالي 575927_10.gif سوبر فتكات Fatakat 575927 احلامي الجميلة – في قلب جوزي