السلام عليكم ورحمة الله وبركاته
النهارده حنعمل طريقة البط المحشى بالفريك وهى طريقة سهله يافتوكات
اولا المقادير
1 بطه الحجم المناسب ليكى
2 كوب فريك قمح
و بصلة كبيرة مبشوره وفلفل وكمون وبهرات اللى تحبيهه قرفه زنجبيل الخ عشان ريحة الزفاره القرفة والزنجبيل مهمين جدا
وكمان معلقة سمنة وشوية زيت
الطريقة
البطه نغسلها بالدقيق والملح وبعد كده تنقع فى الليمون والخل وتغسل كذا مرة وتصفى بعد كدا
نيجى بقه للفريك—— بصله وتوضع السمنه وتقطع القونصة والكبدة وتوضع مع البصل وتشوح وبعد كدا ننقع الفريك لمدة نص ساعة ويصفى ويوضع على البصلة لمدة خمس دقائق على النار ونضيف التوابل وبع كدا نحشى البطة ولاتملىء البطة عن اخرها ولكن نترك فيها شويه لان الفريك بيزيد فى الحجم ثم تخيط البطة ونكون مجهزين حله وفيها ميه بتغلى وبصله وقرفه وملح وتوضع البطة بعد الغلى الى ان تستوى وبعد كده نحطها فى الفرن تتحمر وبالهنا والشفا
وطبع تدعو لى وانتو بتكلو البطه هم هم هم
واسال الدعاء لى بفك الكرب وان يبارك الله لى فى اولادى وزوجى
الصور اهى هتشرح نفسها
دى البصل
دى البصل والكبد والقونصه وهم فى التشويحه
وده الفريك بعد ماتنقع وتصف
ودى البطه اهم حاجة البطه هههه
هنا فى الحشو
هنا هنسقط البطه فى الماء المغلى
هنا بعد التحمير على الشوية
ده كان باقى شوية فريك وشوية خلطة رز محشى اصلى البط ماينفعشى الا بالمحشى سويتهم لوحدهم بس مصورتش المحشى
مواضيع هذا القسم برعاية
ام رفيده ام رفيده 106004_2.gif فتكات هايلة Fatakat 106004 طنطا – مصر