مساء الخير اخواتى النهارده هنعمل احلى بسطرمه زى الجاهزه واتحدى بيها
وده بناء طلب من اخت لنا بالمدونة اختى طاطا وانا تحت امركم فى اى طلب
نبتدى بسم الله الرحمن الرحيم
هاتى عرق كندوز من الجزار ولازم يكون عرق او موزه
رباط او دوباره
اخرمى اللحمه من الناحيه التخينه وحطى فيه الشريط او الدوباره علشان تتعلق منها
غرزى العرق بالسكينه وحطى فيه ملح من كل النواحى
وادهنيها ملح مش كتير علشان متبقاش حادقه يادوب رش بس
هاتى فوطه قطن نضيفه لفى بيه اللحمه وحطى عليها حاجه تقيله علشان تنزل ميتها
سيبيها لمده يومين او تلاته
طلعيها وامسحيها بفوطه مبلوله ونشفيها تانى
هاتى من عند العطار حلبه ناشفه مطحونه تمن كيلو كفايه قوى
هاتى فلفل احمر قرناؤطى
قشري راس توم وحطيها فى الخلاط مع كوبايه ميه وسط
حطى التوم المفروم على الحلبه وحطى شويه فلفل اسود وملح ومعلقه فلفل احمر واعجنيهم
بشرط تكون زى العجينه اليابسه
سبيها شويه قيمه ساعه علشان الحلبه تشرب من الميه وتبقى طريه
هاتى الموزه اللحمه
وغلفيها كلها بالخلطه
وبعدين بلى ايدك ميه وساويه بايدك
علقيها في حبل وغطيها بشاشه لمده 3 ايام
وبالف هنا وشفا وده عن تجربه وخبره سنين
ملحوظه هامه اوعى تخلى العجينه طريه قوى ولا ناشفه قوى علشان تمسك فى اللحمه
مواضيع هذا القسم برعاية
الحاجه توته الحاجه توته 634358_5.gif ممنوعة من المشاركة Fatakat 634358 الجيزه – مصر
سبحان الله و بحمده