السلام عليكم ورحمة الله وبركاته ازيكم يارب تكونو بافضل حال
انا عملت موضوع قبل كدة عن عمر الجنين اكبر من اسابيع البريود ولما الدكتور قلقني روحت لدكتورة تانيه عشان اتاكد واطمن لاني خفت يكون حاجه وحشه لقدر الله ومحدش فادني في الموضوع دة عشان كدة عملت الموضوع دة عشان الكل يستفيد
الدكتورة قلتلها اني اخر بريود 301 يعني اكيد الحمل حصل في شهر 2 لكن الدكتورة اكدتلي انوحصل في شهر 12 ايو وجاتلي البريود مرتين في اخر 12 وكمان اخر 1 وقالتلي دة حمل غزلاني البريبود بتنزل عادي جدا اول تلات شهور وفي ناس اول شهر بس وفي ناس شهرين زي حالتي
انا عملت الموضوع دة لان ناس كانت بتسال فيه وناس كانت كاتبه كلام غريب كله منقول علي السنه ناس يعني مش تجربه شخصيه
المهم يا بنات طبعا هتسالو علي كميه الدم عاديه جدا زي البريود الطبيعيه بتعاتي واللون كمان احمر عادي مش زي ما الناس كتبت بني ومخلوط بمخاط لان دي بتكون افرازات حمل عاديه محتاج مثبتات مش اكتر او حمل ضعيف او الحامل بتعمل مجهود لكن الدكتورة اكدت انه مش بيفرق اي حاجه عن دم البريود وكمان مغصها وكل اعراض البريود يعني لو وحدة طبيعه البريود عنها خفيفه او تقيله بيكون في الحمل الغزلاني زيها بالظبط و
تاني معلومه قرتها غلط انو الواحدة حملها كله بيكون طبيعي او غزلاني لا طبعا انا حملت تلات مرات وكان طبيعي جدا المرة دي بس اللي حصلي كدة وزي ما قولت ممكن تيجي شهر والتاني لا فتتكتشفي الحمل في التاني او التالت او الرابع حسب عدد الشهر اللي بتنزل وانت حامل انا اكتشفت في نهايه التالت لانها جتلي مرتين
بالنسبه لتحليل الحمل طبعا انا عملت المنزلي وطبعا لاني حامل قبلها بشهرين فبان الخطين بسرعه جدا اقل من 10 ثواني وكانو تقال
كمان البريود في الشهرين اللي جتهم نزلت في ميعادها عادي جدا يمكن اتاخرت تاني شهر يوم او اتنين وطبعا دة عادي مش تاخير تالت شهر اللي قررت ماتجيش فيه خالص فعملت التست وعرفت اني حامل وطبعا كانت صدمه لاني كنت مش بفكر في الحمل ولكن الحمد لله رزق من رب العالمين وطبعا مش حسيت بوحم ولا اي حاجه تدل علي الحمل بس دة الطبيعي بتاعي الحمل بيجيلي بنوووم فقط والحمد لله من غير دوخه ولا ترجيع بس طبعا انا توقعت النوم من الارهاق طول اليوم عادي طبعا
استنيت اسبوعين عشان يبان كيس الحمل والنبض في السونارورحت للدكتور ولقيت الدكتور بيقول دة بيبي بيلعب تنحت وحسيته حمار وقمت من عندة حجزت عند دكتورة تانيه لاني عارفه في الفترة دي بيكون يدوب كيس وممكن يبان النبض او لا وبصراحه انا كنت في نيتي لانها رابع قيصريه ورا بعض لو الموضوع في خطر كنت انزله طبعا بعد ما الدكتور يقول وياكد ان خطر علي حياتي لكن ارادة ربنا اكون عديت الفترة دي واتكون وبقي طفل ولقيتني في الاسبوع العاشر وكام يوم وطبعا مخدش فوليك اسيد من الاول وكلكم عارفين مهم ازاي
اي حد عندة استفسار او سؤال انا في الخدمه بس طلب اخير دعواتكم من القلب بطفل سليم ومعافي لاني عملت بلاوي الشهرين اللي فاتو اول ماتنزا البريود مرة صبغه ولايت ومرة كيراتين وفيارب تكون الحاجات دي ماثرتش ويكون بصحه وعافيه ياااااارب
possy21 possy21 فتكات نشيطة Fatakat 608224 القاهرة – مصر