بســـــــــــــــــم الله الرحمــــــــــــــــــــــــــن الرحيـــــــــــــــــــــــــم
ازيكم حبيباتى عاملين ايه يارب تكون باحسن حال
انا مش عارفة انتوا لسه فاكرينى ولا ايه يافتوكاتى
النهاردة باذن الله حبيت نتشارك مع بعض وصفة بسيطة وسهله وهى الفراخ على طريقة الكنتاكى وطريقة البانية ويارب ماتزهقوش منى وماتنسوش التقييم حبيباتى
ونشوف كده صورة المنتج النهائى مع بعض
ده البروستد
وطبعا ده البانيه
ويلا بينا على المطبخ ونبدا ونقول بســــــــــــم الله
فرخة صغيرة مقطعة الى 8 اجزاء بس هنا استخدمت دبابيبس الفراخ وطبعا تنفع (تبلتها بالبصل والطماطم المبشورين والملح والفلفل و الليمون )
2 كوب دقيق
معلق صغيرة من (توم بودرة – بصل بودرة – زعتر – بابريكا- بهارات ) ممكن الاستغناء عن كل البهارات دى لو مش متوفرة و الاستبدال بمرقة دجاج هنطحنها مع الدقيق جيدااااااااااااا
بيضة
معلقة بيكنج بودر
الطريقة باذن الله باسهل مايكون
هناخد كوبيتين الدقيق ونحط عليهم كل البهارات او لو البهارت مش متوفرة هنطحن مع الدقيق مكعب مرقة دجاج
هنكسر البيض و ونضربها مع الملح والفلفل الاسمر ونضيف ليها نص كوب من الدقيق المبهر
بعد كده مياه التتبيلة نضيفها للدقيق وده لتعزيز طعم التتبيلة للدجاج بجد بتفرق فى الطعم حبيباتى
بعد كده هنزودها مياه بس مش كتير لحد الحصول على قوام شبهه قوام عجينة الكيكة كده (لا تقيل ولا خفيف )
هنضع الفراخ فى خليط التمبورة (المياه والدقيق والبيض)
ونضعها فى الدقيق
ملحوظة بس
احنا اخدنا نص كوباية من الدقيق عملنا بيها التمبورة
الكوب والنص الباقى من الدقيق هنضيف ليه ملح وفلفل اسمر و معلقة البيكنج بودر ونخلطهم جيدا
كمان لما نحط في الدقيق الفراخ نمسكها من طرفها بس ونقلبها بالراحة عشان الطبقة الخارجية تبقى كرسبى وفيها حركات
بعد كده هناخد الفراخ ونحطها فى زيت غزير سخن جدا ولما نحطها نهدى النار عليها عشان تستوى من جوه كويس
هنا لما طلعت من النار
هى بتاخد 15 دقيقة بالظبط لو هتحبى تقلبيها يقى بعد ماتتاكدى ان الجزء اللى فى الزيت بقى دهبى ومقرمش
ممكن كمان تعلى النار اخر دقيقتين عشان تتضمنى ان الطبقة الخارجية مقرمشة بس خلى بالك من لونها ليغمق
بس كده حبيباتى وقدمتها مع البطاطس المحمرة
وكده خلصت البروستد والمشاركة الجاية باذن الله انتشارك وصفة البانيه مع بعض بس ماتنسوش التقييم فى ايديكوا ياسكرات
وتدعولى ربنا يشفينى ويهدى معدتى عليا وجزاكن الله خيرا
مواضيع هذا القسم برعاية
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة