السلام عليكم
فتوكاتى الحلوين
ده اول موضوع ليا في اقسام المطبخ كلها
يارب ينال رضاكم واعجابكم
هقولكم طريقتى في المكرونه الاسباجتى
المقادير
كيس مكرونه اسباجتى
زيت وملح لسلق المكرونه
مكونات الصلصه
فص توم
سمننه او زيت حسب الرغبه
تلت خلاط عصير طماطم
3 قرون فلفل اخضر
ربع ملعقة سكر
زيتون اسود مفروم
بهارات ملح وفلفل اسود وشطه
نبدا في الطريقه
هحط ميه ع النار لسلق المكرونه
واحط فيها ملح وزيت عشان المكرونه متلزقش
بعد الميه ماتغلي هحط المكرونه
لو كنتى مغطياها شيلي الغطا اول ماتحطى المكرونه
عشان تخففي من النشا اللي فيها
بعد ماتستوى المكرونه صفيها
وسيبيها تبرد
نيجى لطريقة الصلصه
هنفرم التوم مع الفلفل وهحط معاهم الشطه علي حسب الرغبه
انا حطيت قرن شطه واحد
هنحطهم علي النار ومعاهم السمن لحد مايصفرو شويه والفلفل يدبل ع النار
بعدين هحط عصير الطماطم
واسيبها لغاية ماتتسبك
بعد ماتتسبك هحط ربع ملعقة السكر ع الصلصه عشان التعادل
وبعدين هحط الفلفل الاسود المطحون
بعدين هحط الزيتون الاسود المفروم
واسيبه خمسه واطفي النار
هحط المكرونه في الحله وبالتدريخ هاخد كم ملعقة صلصه واقلبها كويس
وهكذا لغاية الصلصه ماتخلص
بعدين ىاحط المكرونه ع النار تسخن بس
يعنى في حدود 5 او 7 دقايق
وكده المكرونه خلصت
وده شكلها النهائى
وبالهنا والشفا
ممكن تعملي جمب المكرونه كباب حله او شاورما او فراخ بانيه
انا عملتها جمب كباب حله
مواضيع هذا القسم برعاية
remosh remosh 32551_63.gif امبراطورة فتكات Fatakat 32551 فتكات رموشي محاوطاه وعيونى عاشقاه – مدونة فتكات