صباح الخير والسعادة على عيونكم يااحلى فتوكات
انا كنت عايزة استشيركم فى موضوع كده واملى الفتوكات يساعدونى وانا كتبت الموضوع هنا علشان الاقى اكبر عدد ردور لانى محتاجة رايكم جدااااا
زى العنوان كده انا عندى عزومة لخطيبة اخو جوزى واهلها
وطبعا انا اللى هشيل العزومة لان حماتى مالهاش فى اكل العزومات بتاع دلوقتى دا يعنى انا اللى هتدبس فى اكل ل12 فرد والله انا مش ممانعة ولا حاجة وانا عملت عزومات كتير قبل كده بس خايفة مقدرش اوفى للعدد دا كله
انا بقى ليا شوية اسئلة على الاصناف من الخبيرات هنا
اولا احنا هنعمل 3 صوانى مكرونة بالبشاميل
و2 صينية جلاش باللحمة المفرومة وكفتة فى الفرن
وارز بسمتى بالخلطة وهنا ييجى السؤال انا طول عمرى بعمل ارز بالخلطة بالرز العادى وبحمره شوية واحط عليه بصل مبشور واسويه وازودله المكسرات فى الاخر
اما دى اول مرة اجرب الارز البسمتى ومش عارفة ينفع احمره شويه كده زى العادى وازوده اد ايه ميه او شوربة
لانى خايفة يعجن او مايستويش وعاوزة يبقى لونه بنى
هو ممكن يكون بنى لما احمره شوية وازودله بصلة متحمرة شوية ؟؟؟
يارب يخليكوا تساعدونى علشان مايبقاش شكلى وحش قدام الضيوف لانى قلقانة علشان اول مرة بستعمل الرز البسمتى
استودعكم الله ياحلى صحبة
مواضيع هذا القسم برعاية
الفتوكة الضاحكة الفتوكة الضاحكة 559032_1.gif فتكات هايلة Fatakat 559032 شبين الكوم – مصر
سبحان الله و بحمده