اكلة مكرونة اسباجتى بس جديدة جداً وسهلة فى نفس الوقت
1-بصلة كبيرة (هنقطعها ترنشاط صغيرة اوى) بس خدى بالك مش تبشريها
2-جزرتين كبار (هنقطعها قطع مكعبات صغيرة اوى)
3-فصوص ثوم كبيرة (هنقطعهم حتت صغيرة)
4-هنجيب ساقين كرفس متوسطين الحجم (ونقطعهم قطع صغيرة خالص)
5-جيبى صنية الاقلى وحطيها على النار وبعدين حطى زيت لا قليل اوى ولا متوسط
6-هتجيبى لحمة تقطعيها قطع مكعبات صغيرة ..بعدين تحطيها فى الزيت بعدين تجيبى بيفى وتحطية على اللحمة فى نفس الوقت وتقلبيهم كويس هنستنا شوية عليهم لغاية ما يتحمروا…بس مش تكترى مدة التسوية علشان ما يتهروش
7-هنجيب البصل اللى قطعناه ونحطه فى الطاسة على اللحمة والبيفى وبعدية الجزر وبعدية الكرفس وبعدين الطوم وبعد كدة هنقلبهم كلهم كويس ونسبهم على النار لغاية ما يستوا كلهم
8-هنعصر طماطم فى طبق خارجى وبعدين نجيب العصر نحطة فى الطاسة وبعدين هنجيب صلصة طماطم جهزة نحطها فى الطاسة برضة
9-بعدين هنحط توابل وملح وفلفل اسود بعدين نقلبهم مع بعض
10- بعد كدة نسلق المكرونة زى ما متعودين(اسباجتى)
11واخيرا-بعد لما نطلع المكرونة هنحطها فى طباق التقديم وهنبدا نوزع الصوص اللى عملنا على الطبق بشكل منسق بعدين هنجيب شوية بقدونس نحطة على الطبق من بتنسيق برضة ويكونوا حبة قليلين
كدة خلصت الاكلة
بالله عليكوا تقولولى اية رايكم فى الوصفة دية واللى قرتها وعجبتها وحست انها فى متناول اديها وهتعملها تتدعيلى بالنجاح مواضيع هذا القسم برعاية
princess noda nody princess noda nody 710968_1.gif فتكات حبوبة Fatakat 710968 الاسماعيلية – فى مصر
سبحان الله و بحمده