السلام عليكم ورحمة الله وبركاته
انا اخصائي اصابات رياضية وتدليك وتأهيل
وكمان اخصائي ترويحي
والجزء الاول للموضوع هو التأهيل (العلاج الحركي )والعلاج الطبيعي
التأهيل يعتبر اعلي من العلاج الطبيعي (حيث ان التأهيل يهدف إلي ارجاع الجزء المصاب إلي حالته الطبيعية قبل الأصابة )
والعلاج الطبيعي (ده برضوا بيبأه بعد الأصابة او امراض معينة ) واكثر الناس عملان فيه الاخصائين التأهيل
لأنهم بيطلعوا نتيجة افضل من التعامل مع الأجهزة العلاج الطبيعي بس
الجزء التاني للموضوع
يعني ايه اخصائي ترويحي ؟
الترويح ده قسم داخل كلية تربية رياضية بنات بنتعامل مع الحلات الخاصة بس (ذوي قدرات خاصة _ صم وبكم _ مكفوفين _ أدمان _ أمراض نفسية _ أطفال _ مسنين _ أحداث ) بيهدف إلي علاج السلوكيات للحلات الخاصة
وتعديل سلوكهم إلي السلوك الأمثل
انا عندي خبرة كبيرة في التعامل مع ذوي القدرات الخاصة وممكن اوجهك ازاي تعالجي الشئ اللي مش صح في سلوكه وازاي تخليه يعدله للأفضل
هدف القسم الأساسي هو الأستخدام الأمثل لوقت الفراغ
يعني برضوا لو عندك مشكلة مع ابنك تعالي وانا اقولك تعملي ايه وتحليها ازاي
الجزء الثالث للموضوع
هو الأصابات المختلفة وكيفية أسعافها
لو عندك بيحصل اصابة لحد من افراد البيت بسبب مرضي او شقاوة اطفال تعالي اطلبي اي اصابة وانا اديكي معلومات عنها وازاي تتعرفي عليها وازاي تعمللها اسعافات اولية
ومن ضمن الاصابات حاجة كلنا بنتعرضلها وهي بالعامية شرقانة و الاسم العلمي الأختناق (بسبب الأكل – او المياه – او مشكلة في الجهاز التنفسي )
واول المشاركات هحطلكم فيها الاختناق وعلاجه بالصور
وكمان لازم تعرفوا حالات كسر العمود الفقري عشان لو حصلت لأي حد او في الشارع تعملوا حاجة بدل ما الفرد ده يتلقي خطأ في الأسعاف يسبب له الشلل
– يعني معايا هتعرفي ازاي تقي نفسك من المشاكل اللي ممكن تتحطي فيها وكلنا بنتعرض ليها وتروحي للدكتور ولا لأ بعد ما تقي نفسك من المضاعفات اللي كان ممكن تحصل لو ما تمش الأسعاف وبعد ما يتم العلاج بواسطة الدكتور هقولك تعملي ايه عشان يرجع الجزء المصاب زي الاول واحسن (أيوة فعلاً أحسن وكله بالعلم )
– وكمان هتعرفي ازاي تخلصي طفلك من عاداته السيئة بأحب الأساليب اليه
– وكيفية علاج الانحراف لدي اي فئة عمرية (أطفال – مراهقة – شباب – مسنين )
– وكمان المشكلات اللي ممكن تقابلك مع الحلات الخاصة و الاطفال ذوي القدرات الخاصة
ربنا يقينا شر الحوادث والاصابات جميعاً
ولكن لابد من وجود الوعي لكي تتم الوقاية بعد حماية الله لنا
( أعقدها وتوكل )
ما تنسوش التقييم
والأسئلة سيتم الأجابة عليها يومياً الساعة 12 ليلاً بأذن الله تعالي
والدعاء الصالح (اللهم أجعل لي من زوجي وزريتي قرة عين لي وأجعلني للمتقين أماما ) أدعولي بالدعاء ده عن ظهر الغيب بالله عليكم
شكراً
حبيبه امها حبيبه حبيبه امها حبيبه 543109_2.gif ممنوعة من المشاركة Fatakat 543109 الأسكندرية – مصر