اصحاب الخبرة افيدوني بسرررعة لاني خلاص مرعوبة
انا دلوقت في نص الشهر التاسع وده اول حمل ليا الحمد لله
وبنوتي من اخر الشهر السابع وهي رأسها تحت
بس للاسف لغاية دلوقت الرأس لسه مش نزلت الحوض
ماما وكل اللي حواليا نصحوني بالمشي من اول التاسع
بس للاسف الدكتور اللي بتابع معاه قاللي العكس وخوفني من المشي
طبعا انا كده بقيت في حيرة واتلغبطت امشي ولا لا
وطبعا اضطريت اني اروح لدكتور تاني واستشيره في موضوع المشي
وفعلا الدكتور فحص البنوتة وطمني ان كل حاجة بخصوصها الحمد لله بخير
وبردو فحصني وقاللي ان الحوض كويس الحمد لله
بس المشكلة في الرأس اللي مش نزلت الحوض
وطبعا نصحني بالمشي وابتديت من امبارح المشي
سؤالي بقى هل في امل في خلال الفترة الباقية ان الرأس تنزل الحوض
وهل في وصفات معينة غير المشي بتساعد على نزول الرأس في الحوض
انا مستنيا ردودكم … وطبعا شكرا مقدما … وجزاكم الله كل خير
وياريت تدعولي بتيسير الاحوال … وان ربنا يتمم حملي على خير … وانه يرزقني ساعة سهلة من عنده
قطقوطة مقطقطة قطقوطة مقطقطة 347201_4.gif سوبر فتكات Fatakat 347201 Cairo – Egypt