في حد اعرفه كان بياخد من الدوا ده كتير اوي
https://www.elmalakrx.com/Arabic/drug…s/tramadol.htm
هو دواء مسكن قوي جدا للام الظهر وكل حاجه ده حتى لو حد اخده وهو عنده دور برد ومزكم وحالته حاله مش حيحس باي مرض يعني بيخلي الواحد ميحسش بحاجه خالص يخلي الواحد مبسوط ومرتاح عالاخر ممكن تمشي مسافات طويله ومتحسش باي تعب .. كانه درجز صراحه
وهو زود الجرعات لانه بدا يحس ان القليل منها مبقاش كفايه وبيبقى الواحد لازم يزود الجرعه عشان يحس بمفعول الدوا لانه بيبقى اتعود عليه ولو مزودتش حيحس باكتئاب
وكان دايما لما ياخدها يكون مبسوط ومرتاح وعنده نشاط من قوه الانبساط الارتياح
هو ساب الدوا الخميس اللي فات لما عرف اضراره وخاف بس دلوقتي بيقول حاسس باكتئاب رهيب جدا وحاسس انه خلاص حيموت نفسه واساسا هو من الاعراض الجانبيه للدواء شعور بالرغبه بالانتحار.. ومبقاش مستحمل اي حاجه حاسس ان الدنيا بقت سودا وحاسس بوحده جامدة ووتعبان اوي وفي بيته طول الوقت بيبقى عايز ينام وبس وحاسس انه خلاص مفيش اي هدف في الدنيا حاسس باكتئاب رهيب حيموت منه ومش قادر ينزل من البيت او يواجه الناس صوته حتى مش قادر يطلعه مش قادر يعمل اي حاجه وحتى مش قادر يروح كليته ونفسه ينزل يشوف الناس بس حاسس في حاجه متغيره فيه وبيقولي مش عارف بس مستني النهار يطلع اوي اه صحيح هو كمان كان بيشرب في العاده 3 علب سجاير في اليوم ومع الدواء بقه يشرب اكتر من 3 علب في اليوم وبعد ماساب الدوا بقه يدوب يشرب 3 سجارات باليوم وملوش نفس اصلا وحاسس بصداع جااامد ودايخ.. ده حتى بيقولي جرب ينزل لواحد من صحابه ساكن في الدور اللي تحتيه بقه حاسس انه مش طايق يتكلم معاه وبيتلكك عشان يعمل اي مشكله.. ومش عايز يستقبل حد في بيته وحتى لو حد راحله البيت وخبط عالباب كتير مش حيفتحله .انا قلتله يروح الدكتور قالي اروح اقله ايه اقله كنت باخد درجز قلتله طيب فيها ايه شغلته كده فقال مكسوف اقول على نفسي كده وكمان مش عارف اروح لدكتور تخصص ايه.. فانا عايزه رايكم ايه الحل في حالته كده المفروض يعمل ايه او يروح لدكتور ايه .. المشكله اني خايفه يعمل في نفسه حاجه لانه قاعد في بيته لوحده وملوش حد غير مامته وهي مش معاه في البيت ومتعرفش اصلا عن الموضوع ده اي حاجه وانا كمان مش عنده في مصر
سالي أمير سالي أمير 339476_1.gif فتكات جديدة Fatakat 339476 jeddah – KSA