ازيكم يا فتوكات يا حلوات
طبعا واضح من العنوان انى صيدلانية بس حاليا للاسف مش بشتغل
وفكرت انى لو اقدر افيد بعلمى الناس هيكون شىء كويس خالص وخاصة ان ثقافة الصيدلى فى مصر ثقافة واسعة جدا . يعنى مثلا تلاقى الناس تحب تستشير الصيدلى لان معندهاش فيزيتا الدكتور وناس تانية تبقى مقتنعة ان الصيدلى دارس المرض ودارس الدوا وخبرته كويسة فممكن يساعدها من غير ما تنتظر كثير فى صالة دكتور
ناس تالتة تروح تعرض عليه التحاليل بتاعتها وتاخد رايه فيها حتى قبل ما تعرضها على الدكتور اللى طلب منها كده
حتى الاعشاب برضه التاس تفضل تاخد رأى الصيدلى فيها لانه بيكون دارس عقاقير
وكمان الصيدلى الامين بيساعد الناس بس لو لقى الحالة كبيرة على تخصصه لازم فى الحالة دى مش يتاجر فى صحة الناس وينصحهم بالتخصص اللى المفروض يتوجهوا ليه
ونظرا لان النت بقى فى كل البيوت واصبح الان من السهل جدا توصل لاى معلومة وتستشير الطبيب والصيدلى وانت فى بيتك .فقلت ليه مش استفيد من حاجة زى كده واحاول اساعد بعلمى اد ما ربنا يقدرنى اى حد محتاج للمساعدة
عايزة من هنا مش بس افيد الناس سواء بروشتات او تحاليل او تخصصات مختلفة . لا كمان نسعى لزيادة الوعى الصحى . يعنى لو حد حابب نتكلم عن امراض معينة او حاجات حابب يعرف عنها . نيجى ونتكلم فيها مع بعض ونصحح المفاهيم الخاطئة
انا اكزاخانتى مفتوحة لاى حد . اى تحاليل . اى معلومات عايزين تعرفوها . اى امراض تحبوا تعرفوا عنها معلومات . اى نصايح ليكوا
وكل المطلوب منكم دعوة حلوة بظهر الغيب وبس كده
انا فى انتظار زبائن الاكزاخانة الحلوين عشان نفيد ونستفيد
nermeen1981 nermeen1981 639170_1.gif سوبر فتكات Fatakat 639170 Alex – egypt