السلام عليكم ورحمة الله وبركاتة
ازيكم يا احلي فتوكات عاملين اية يارب تكونوا متهنين
انا النهردا جبت لكم طريقة الجمبري المقلي زي المحلات اللي برة بالظبط
انا كنت دايما بشوف الجمبري بتاع برة بيبقي فية طبقة كدة وكرسبي
وكنت بحلم اوصل لطريقتة
واخيرا
وصلت
وجيت افرحكم اهو
يلا بقي ندخل علي الطريقة
طبعا هنظف الجمبري كويس ونشيل كيس الرمل اللي في الظهر (الخط الاسود دة)
هنتبل الجمبري في (ثوم مفروم+ليمون +كمون+ملح+كثبرة ناشفة+فلفل حار او شطة)
هنسيبة في الخليط دة علي الاقل 3 او 4 ساعات
بعد كدة هنطلع الجمبري ونحطة في الدقيق ونقلبة كويس في الدقيق
بعد كدة هنحطة في مصفاة للتخلص من باقي الدقيق
نيجي بقي للاهم خطوة وهو دة الاختراع
هنجيب
(2بياض بيضة +2 معلقة كبيرة نشا +2معلقة كبيرة لبن +2معلقة صغيرة سمسم )
هنقلب كل الخليط دة مع بعض
وهنحط فية الجمبري بعد ما صفناها من باقي الدقيق
ونحط واحدة واحدة في الخليط دة وعلي الزيت السخن ونحمرة
هتلاقي الجمبرياية نفشت وتخنت وربربت وبقت حلوة اوووووي
جربوها ومش هتندموا
وياريت اللي تجرب تيجي تقول اية رايها
ودى صوره كمان للتعذيب
ومتنسوش تدعولي ربنا يشفيني ويخليلي يوسف
والسلام عليكم ورحمة الله وبركاتة
مواضيع هذا القسم برعاية
omyoyo60 omyoyo60 236397_1.gif فتكات غالية قوي Fatakat 236397 القاهرة – مصر ام الدنيا