بسم الله الرحمن الرحيم
باركولي يا بنات وعبالكم كلكم انا طبعا بعد مافليت انواع الاستانليس ستيل وتعبت وحيرت ماما وكانت هتموتني وتقوللي اي حاجه قرفتيني بقى اي استانليس 18/10 جيبيه وخلاص بس انا اعمل ايه بقى فتكات جننتني
فانا في بادئ الامر قلت هجيب زهران
بعد كده لقيت الناس هنا ع فتكات بيشكروا في منتج تركي اسمه كوركماز
بعد كده انا قلت خلاص هجيب كوركماز رحت شفته قلت هو ده! لا ادور يمكن الاقي احسن طمع بقى خاصه ان صدفت في وشي وقتها ان اطقم كوركماز حجم حللها صغير وفي بيتباع فرداني المهم قلت خلاص لما اروح السعوديه يمكن الاقي حاجه افضل
روحت لقيت اللي هنا صيني درجه اولى 18 /10 وبردو لقيت كوركماز حتى نفس شكل الحله اللي نازله مصر
كنت هجيبها الطقم اربع حلل ب كانو ب 880جنيه قلت ع ايه اجيبها واشيل مافي في مصر ولقيت منتج مشهور هنا اسمه السيف بردو عجبني بس
المهم جبت طقم صيني ورجعته ههههههه رغم انه كان 18/10 وتقيل بس لقيته بينجذب للمغناطيس ورغم ان ده مش بيقلل من قيمته بس رجعته
المهم بما ان التركي لحس دماغ الناس كلها
لقيت طقم اسمه safinox سافينوكس4 حلل بمقاسات كبيره اكبر من كوركماز ونفس الشكل بالضبط وتقيل بردو و 18/10
قمت توكلت على الله وجبته
جربنا منه حله مش بيلزق الرز ولا حاجه كويس جدا الحمدلله
بس ملحوظه الاستانلس على الاطلاق اي كان نوعه بلاش تعللي النار عليه يعني متعديش جوانب الحله حتى مكتوب كده وممكن تحرق جوانب الاكل وده ناتج عن ايه
ان قعر الحله سميك جداااااااااااااااا وحواف الحله اكيد اقل في السمك عشان كده لما نعلي الاكل هيحمر من الجوانب اسرع بس هو بردو الحمددله مش بيلزق وانصح اللي كانوا محتارين زيي يتوكلوا على الله ويجيبوه
المهم انا لقيت ان موقعهم على النت هو هو بتاع حلل سافلون التركي يعني مفس المصنع يا بنات وكده ارتحت نفسيا وفرحت حسيت بردوا انه قيم بس هو عيبه الوحيد ان غطاه حسه انه خفيف ومخوفني مبروك عليا ويارب استخدمهم في الهنا يارب وانا قلت احكيلكم قصتي بما انننا بنحب ننصح بعض
دي صوره لطقم كبير شبهه اوي من موقعهم اللي هو هو بتاع سافلون التركي(تيفال) يعني التيفال مسميينه سافلون والاستانليس بتاعهم مسميينه سافينوكس
ودي صوره حلتي(اكبر مقاس في الطقم
ودول حلتين الصغيرين وفي حله وسط
ايه رايكم بقى يا بنات
افراح القلب افراح القلب 465695_8.gif فتكات رائعة Fatakat 465695 lllllllllllllll – مصر ام الدنيا
حضرتك جبتي طقم استنلس سافونكس الرملاوي منين