ارجو منكم اخواتي ان تفيدوني ، انا واسرتي في كرب كبير ، اختي عندها تكيسات علي المبايض وطبعا راحت لاطباء كتير من بداية جوازها من 8 سنين وكانت بتاخد منشطات وحصل حمل وبعدين اجهاض ، ودة من حوالي 4 سنين ، وكانت كل فترة تتابع وتاخد العلاج ولكن محصلش حمل ، المهم الشهر اللي فات اخدت المنشطات والدكتور كان كاتب لها علي 12 حقنة وبعدين ابرة التفجير ، والحمد لله عملت تحليل وطلعت حامل ، وللاسف بدات الماساة ، بعد التحليل باسبوع لاحظت وجود ورم تحت السرة وراحت كشفت لكن الدكتور قالها دي بويضات زيادة ، وبعد يومين جاها مغص شديد لدرجة انها مكنتش قادرة تقف علي رجلها ، واخدنها وجرينا علي المستشفي لكن بعد عمل الاشعة والتحاليل وجد الاطباء ان عندها ميه تحت الجلد وللاسف الميه وصلت للرئة ، واتضح ان دة من تاثير ابرة التفجير ، وانها حامل في 3 اجنة ، واتحجزت في العناية المركزة ، لكن المشكلة الاكبر دلوقت ان الهيموجلوبين 5.5 والاطباء عاوزين يعملولها بزل وينزلوا جنين ، ودة طبعا هيكون بعملية ولازم تتم بسرعة قبل عمر الاجنة ميكبر والا هتتعرض للاجهاض
وانا عاوزة اسال لو في حد يفيدني موضوع البزل دة في خطورة ، والعملية ينفع تتم والهيموجلوبين قليل .
وبالله عليكم لا تنسوها بدعوة بظهر الغيب ان ربنا يشفيها ويطلعها بالسلامة
moltazema moltazema 396296_4.gif فتكات حبوبة Fatakat 396296 الاسكندرية – مصر
سبحان الله و بحمده