انا النهارده عملت كشرى مصرى رووووووعه بجد ماشاء الله
المهم لازم تجربوها وتدعولى
المقادير :
البصل المقرمش /
هقولكم على احلى طريقة تطلع البصل احلى 100 مرة من المحلات
احنا نقطع البصل شرايح رفيعه جدا ونحاول تفرده معلشى سامحونى مصورتش من الاول مكنتش عامله حسابى والله
المهم نحطة فطبق ونحط عليه معلقة صغيرة ملح ونقلبه وعليه 2 معلقة دقيق ونقلبهم كويس
ويكون عندنا زيت غزير وسخن وننزل بشوية بصل بس مش كتير ونفضل نقلبه لحد مالونه يبقى ذهبى ونشيله علطول على
مناديل مطبخ هيبقى مقرمش وروعه
والزيت بتاعه هنستخدمة فكل خطوات الكشرى اللى جايه
المكرونه /
نسلق المكرونه فى مياه مغليه وملح وزيت ولما المكرونه تتسلق كويس نصفيها ونجيب الحله اللى مكانها ونحط فيها معلقتين زيت بصل وعليهم فص توم مفروم يبقى لونه دهبى وونزل عليه بالمكرونه المسلوقه ونشوحها على نار هاديه وعليها معلقة ملح ونص معلقة فلفل اسود لمده 5 دقايق ونطفى
العدس /
نغسله كويسة وعليه مياه وملح وفلفل اسمر وكمون ونسيبة يغلى ونوطى النار لحد لما يستوى
انا اخد منى ساعه …بس لو منقوع من بدرى شوية مكانش هياخد نص ساعه …..وبعدين نصفيه ونرش عليه شوية ملح صغيرين وعليهم شوية كمون
الارز بالشعيريه/
ناخد زيت البصل ونشوح فيه شوية عدس حلوين يعنى كتير
وبعدين ننزل عليه بالرز المغسول نقلب تقلبتين وعليهم المياه المغليه والملح ونسيبه يستوى
الصلصه /
ودى احلى طريقة صلصله جربتها
تجيبى الحله وتحطى فيها زيت بصل وعليهم 2 فص توم كبير مفرومين ولما لونهم يبقى ذهبى نطشهم بمعلقنتين خل وبعدين ننزل عليهم بالطماطم المضروبة فى الخلاط لو حابه تصفيها ممكن تصفيها بس انا بكسل
وعليهم بقى التوابل ملح وفلفل اسود وشوية صغيرة كمون ونسبها لما المياه بتاعتها تقل وتبقى لا خفيفة ولا تقيله اوى
الخل بالتوم /
نجيب كوب خل على نص كوب ماء على 3 فص توم كبيرة و1/2 قرن فلفل اخضر وعصير 1/2 ليمونه وملح وفلفل اسمر وكمون ونضرب كل ده فى الخلاط
كده كل المقادير خلصت خلاص
نحط بقى المكرونه وعليها الارز بالشعيريه وعليها العدس والصلصه والبصل
مواضيع هذا القسم برعاية
اميرة المنصورة اميرة المنصورة 377202_1.gif فتكات متميزة Fatakat 377202 المنصورة – مصر