السلام عليكم يا فتوكات
النهارده جيبالكم
طريقه عمل السجق بالبطاطس
المقادير
عدد 3 بطاطس
او على حسب الرغبه
نص كيلو سجق عادى
2 معلقه صلصه روسو
ملح و فلفل و توم بودر و بصل مقطع مربعات
وقرفه و مستكه
و حبهان
و بهارات لحمه
و عدد 1 فص توم مقطع صغير
…………………………….
نيجى بقى للطريقه
اولا حنجيب البطاطس
نقطعها بالسُمك ده و المقاس ده
و هنا البطاطس و البصل وهى متقطعه
بعدين نجيب حله و نحط فيها
زبده و شويه زيت و مستكه
و بعد كده نحط البصل و نحط عليه شويه ملح علشان البصل يدبل و يبقى طرى و نحط معاها كل التوابل اللى قولنا عليها
و بعدين نحط البطاطس و نحط
معاها التوم اللى كنا مقطعينه
و بعدين نقلبهم مع بعض شويه و ننزل بالسجق و نقلبهم مع بعض شويه و حط معلقتين صلصه يدوم تدى لون لو عايزه انك تزودى مفيش مشكله
و بعدين تحطى ميه سخنه 2 كوبايه
و استنى بقى لحد ما يستوى
و هنا بقى بعد خلص و معاه مكرونه
و هنا المكرونه
و بــــــــــــــــــــــــــــــــــــألف هنا و شفا ليكو
و انا مش طالبه منكم غير التقييم و بس و انكم تدعولى باللى فى توقيعى
مواضيع هذا القسم برعاية
hanaa ebrahem hanaa ebrahem فتكات هايلة Fatakat 741713 الاسكندرية – مصر