السلام عليكم ورحمة الله وبركاته
ازيكم يا فتوكات وحشتوني من كام يوم من يوم موضوع الكبدة ها وعلى فكرة انا زعلانة منكم لاني كنت متوقعة تقييمات وتعليقات اكتر من كدة بس معلش انا هطلع جدعة معاكم ومش هبخل عليكم بوصفة انهاردة المهم عشان ما اطولش عليكم انتم عارفين الفراخ الناجتس اللي بتتباع جاهزة ع التحمير بس وبتبقى غالية تعالو نعملها مع بعض
** المقادير**
* نصف كيلو فراخ صدور مخلية * بصلة متوسطة * ملح * فلفل اسود * بهارات لحمة *نصف ليمونة * رشة شطة بسيييطة جدا *خبز مطحون (بقسماط يعني) بس انا قلت كدة عشان اوضحلك انك مش لازم تشتريه *بيضتين ولو احتاجتي اثناء القلي زودي * زيت للقلي * دقيق
** الطريقة**
(1)* افرمي الصدور في الكابة او المفرمة
(2)* افرمي البصلة مع الملح والفلفل و الشطة وبهارات اللحمة فرم ناعم جدا
(3)* اخلطيهم على بعض
(4)* اعصري نصف الليمونة وامزجيهم مع بعض جيدا
(5)* شكلي الخليط على شكل اقراص صغيرة وضعيهم على اكياس ثلاجة بلاستيك(اكياس عادية خالص ها ما تروحيش تشتري مخصوص المهم تكون نظيفة
(6)* توضع الاقراص في الفريزر حتى تتجمد
(7)* و حان وقت التحمير وخليكي معاية بالترتيب سخني الزيت _ضعي قرص الفراخ في الدقيق _ثم في البيض_ ثم في البقسماط المضاف اليها قليل جدا من الملح وشطة لو حبيتي تعمليها سبايسي _ وتوضع في الزيت الساخن وكرري الخطوات حتى تنتهي من الكمية كلها وبالف هنا وشفا بس عاوزة تقييم وتعليق اكتر من المرة اللي فاتت عشان ما ازعلش منكم انا عشمي فيكم كبير والله انا جوزي عجبته اوي وقاللي احلى من الجاهزة طيب حتى شوفوا الصور كدة
ايه رايكم شوفتوا اللون الدهبي الجميل لا والقرمشة اية حكااااااااااااااية
مواضيع هذا القسم برعاية
gana my love gana my love 479626_1.gif فتكات متميزة Fatakat 479626 port said – egypt
سبحان الله و بحمده