حبيباتى فى أجمل مدونة فى أحلى صحبة
ربنا يجمعنا دايماً على الخير
جروب الصوامات جروب عتيق قى المدونة من سنوات
ولظروف خارجة عن إرادتنا انقطعت مسيرة الكفاح
لكن أحب أطمنكم
كلنا بخير وفى نعمة
وننتظر حبيبات جدد تنضم فى الجزء الجديد
ولأننا على الخير نحب أن نلتقى
فشعارنا دائماً خسارة الوزن وكسب الصحة والأهم كسب الثواب
مع بعض بنفتكر صيام الإثنين والخميس والأيام البيض
مع بعض بندعى لكل من يحتاج الدعاء
ونسأل الله الإجابة
ولأن الحب والإخلاص جمعونا
يبقى هنكمل مع بعض بمشيئة الرحمن
ومع الصيام بنعمل نظام نخسر فيه الوزن الزايد
والأيام اللى مفيهاش صيام
بنستمر على النظام لتحقيق أحسن نتائج
مع الصحبة الجميلة دى
وهتكلم عن نفسى شويتين استحملونى
نزل وزنى من 96 كيلو ووصل ل80 كيلو من غير اى رجيم متجدول
وإتعودت على الصيام
وبقالى سنتين محافظة على الوزن الجديد بدون أى زيادة
وكسبت أجمل أصحاب
لم يحرمونى من دعواتهم
ومع الجروب الجميل دا
ربنا إستجاب الدعاء وإتحقق أجمل شىء كنت أنتظره
فأنا فى إنتظار مفعوص جميل
عايزة دعوات كتيررررررررررررررررررررر إن ربنا يتمم حملى ويرزقنى بمولود سليم معافى من غير زيادة أو نقصان
ومع الأحبة قضيت أوقات كتير
كان فيها الفرح والحزن وكل المشاعر
لقيت فيهم اللى بتهون عليا واللى بتدعيلى واللى واللى
مش عارفه أقول إيه ولا إيه
يا ريت نتجمع تانى وكمان يبقى معانا حبايب جداد نسعد بوجودهم
ونتابع بعض ونسأل عن بعض
وهنخس ونكسب ثواب
ولا تنسوا كلام حبيبى ( ما تصلوا عليه):
صوموووووووووووو&تصحوووووووووووو
وحبيبتى نانو قالت فى بداية نشأة هذا الجروب الجميل
بتحبى الصيام وملتزمه به
يالا مع بعض نشجع بعض على الطاعه
وعلى الرجيييييييييييم
عليكى ايام عاوزه تقضيها
هتصومى تطوع
عاوزه ايلى يشجعك يالا احنا مع بعض
جروب الصوامات
الله المستعاااااااااااااااااااااان
نصوم اثنين & خميس
والثلاث ايام البيض ربنا يجعلو فى ميزان حسناتنا
وايلى تحب صيام يوم ويوم
وهو افضل الصيام
عن سهل (رضى الله عنه
عن رسول الله(صلى الله عليه وسلم)قال(ان فى الجنة بابايقال له:الريان ,يدخل منه الصائمون يوم القيامه, لايدخل منه احد غيرهم,
يقال:اين الصائمون؟ فيقومون,لايدخل منه احدغيرهم ,فاذا دخلوا اغلق فلم يدخل منه احد)
واحب اذكر الاخوات ايلى عليهم صيام
لوفى ايام عليكى من زمان
لم تقضيها
مر رمضان وجاء اخر وجاء الثالث
ومرت سنين وسنين ولم تقضى ما عليكى من صيام
قد يكون نسيان اوتهاون
انتبهى يا اختاه
ولاتفرطى فى حق الله عليكى
yusufjihad yusufjihad images/avatars/yellowflower.jpg فتكات غالية قوي Fatakat 81805 طنطا – مصر