إنهارده جايباكم .. نوع لذيذ من المقبلات و ينفع للعشا كمان …
كفته البطاطس بالفراخ و لو تحبي تحشيها بالجبنه …
المقادير :
حوالي 6 حبات بطاطس
2 صدور فراخ مسلوقة جيدا .
ملح و فلفل و بهارات و كمون ..
بيض و بقسماط للتحمير
أي نوع جبن للحشو … مثلثات .. كيري .. زي ما تحبي
الطريقة
الاول بسلق البطاطس كويس مع كمون و ملح و فلفل
بعد سلق صدور الفراخ .. توضع في الكبة لتكون مهروسة جيدا ثم يتم مزجها مع البطاطس المسلوقة مع اضافة البهارات الازمة ..لو حابة تضيفي بصل أو توم و بتحبي طعمهم مع الكفته مفيش مانع …بتبقى حلوة برضو
بس .. بعد كده يتم تشكيلها أما على شكل أقراص أو أصابع زي ما تحبي.. بس لو حتعمليها في الفرن تبقي على شكل أقراص طبعا …و يتم حشوها بأي نوع جبنه تحبيها …( الخطوة دي مصورتها معلشي بتبقى ايدي مشغولة بس انتي زي ما بتحشي الطعمية كده بالظبط )
طبعا لو حتقليها أو حتحطيها في الفرن بتحطيها الأول في الفريزر شوية و بعدين في بيض و لبن و بعدين في البقسماط على طول .. و الصورة دي بعد ما خلصت الكمية كلها …و أصبحت جاهزة للقلي أو للوضع في الفرن ..
تحطيها في الفريزر الاول عشان متفكش أول ما تيجي تقليها و بعدين تقليها أو ممكن تسخني الفرن 10 دقايق و تحطيها فيه و 10 دقايق كمان و تقلبيها الناحية التانية بتبقى حلووة برضو
و زي ما قلت .. تنفع برضو للعشا مع شوية سلطة خضرا
بالهنا و الشفا ….
مواضيع هذا القسم برعاية
Verona Verona images/flowersavatars/avatar0033.jpg فتكات رائعة Fatakat 417234 ………. – ……..