لو سمحتو يا جماعه لو فيه دكتورة تقدر تفيدني في الموضوع ده .. أنا من يومين عملت أشعة الالترا ساوند على الرحم والمبايض .. الدكتورة قالتلي ان الحمدلله المبايض كويسه بس هيه مقدرتش تشوف الرحم كويس بتقولي إن جدار الرحم مش متساوي وفيه أماكن غامقة في الأشعه ومش باينه .. بصراحه أنا اتخضيت اول ما قالت كده وقالتلي انها محتاجه تاني تعملي نفس الأشعه بس بعد البريود ماتخلص مباشرة .. يعني مثلا لو خلصت الصبح اروحلها بالليل .. أنا مش عارفه ليه ؟؟؟ ويعني ايه جدار الرحم مش متساوي أنا سألتها لو لاقدر الله ممكن يكون تكيسات مثلا قالتلي لالالا .. أنا متجوزة بقالي سنه .. بس تاني شهر من الجواز حصل إن البريود مجتش في معادها قدمت كتير وفضلت عندي 12 يوم مع انها أصلا العادي بتفضل 5 ايام بس .. لما رحت لدكتورة وقتها قالتلي ده كان حمل مبكر ومكملش .. وبعدين رحت لدكتورة تانيه قالتلي دي لخبطة في الهرمونات .. وبصراحه بعد كده خلاص مرحتش ولا سألت قعدت بعد الجواز بحوالي 5 شهور تانيه البريود مش منتظمة وكل ما أسال دكتورة تقولي لخبطه في الهرمونات وده بيحصل عادي .. آخر مرة دي كانت من يومين قولت أطمن وأروح أشوف لان لحد دلوقتي محصلش حمل فقالتلي لازم أعمل الأشعة دي .. هو كل شيء بأمرر ربنا طبعا .. بس انا اتصدمت بعد ماقالتلي كده وهو ياترى ايه الاسباب اللي تخلي جدار الرحم مش متساوي ؟؟؟؟ أنا خايفة أوي يا جماعه حد يطمني ربنا يخليكم
JeeJee JeeJee فتكات هايلة Fatakat 396454 أبوظبي – الإمارات
سبحان الله و بحمده