السلام عليكم ورحمة الله وبركاته
انا متشكرة للفتوكة الجميلة للأسف مش فاكرة اسمها وكانت عاملة موضوع عن كيفية تصنيع اللبنة في البيت
الطريقة سهلة جدا
تجيبي لبن زبادي اي نوع تحبيه كامل الدسم او قليل الدسم , مدخن او عادي زي ما تحبي
تجيبي شاش من الصيدلية وتفرغي علبة الزبادي فيها و تربطيها ربطة كويسة وتعلقيها عشان تنزل المية بتاعتها
انا عملتها بالليل وصحيت الصبح لقيت اللبنة الجميلة
بس طلعت شبه اللبنة التركي الي انا مش بحبها
ولكني ضفت ليمون و شطة وملح شوية صغيرين
و ضربتها بالمعلقة شوية وبقت لبنة بالشطة والليمون
طعمها جميل جدا و زي الي كانت في بالي بالضبط
انا استخدمت علبة 400 غرام من اللبن الزبادي و طلعت كمية لبنة يا دوب تكفي شخص واحد
فأنتو لو عاوزين كمية كبيرة يبقى كتروا كمية الزبادي
استودعكم الله مواضيع هذا القسم برعاية
Nathalie Nathalie 619703_3.gif فتكات رائعة Fatakat 619703 بيتي – بيتي