السلام عليكم يا قمرات
عايزة اقولكم ان الموضوع ده بعد ما حملتوا مرتين اتمسسسسسسح لعطل ما في المدونة
والله تعببببببببببببببببببببت
ندخل في الموضوع:
عاملالكم النهارده حمام محشي بالارز بالخلطه
شوربه
نبدأ بطريقه عمل الحمام:
اول حاجه جبت الحمام غسلته ونقعته في ميه بالليمون على ما احضر الخلطه
وبعدين صفيته
بعد كده جبت الكبد والقوانص وشوحتها مع بصله وحتة زبدة وحطيت عليها التوابل والملح
وبعد كده ضفت الارز على اد الحمام وحطيت نص كوب ميه وسيبته ياخد نص سوا
وبعد كده بدات احشي
بدات احشي الحمام
وبعد كده بخيط بخيط وابره ومن الرقبه بلف عليها خيط
بعد كده حطيت الميه ع النار وفيها بصله وطماطمايه وحبهان وورق لورا وفلفل اسود وملح
هنا وهو ع النار
طلعته وصفيته من الشوربه وبعدين هحمره
ودي واحده لاول بنوته ترد وتقييييم اذا عجبها الموضوع
ودي الشوربه وطعمها وااااااااااو
وعملت ارز معمر معاه
وهحط الطريقه في موضوع منفصل وهو على طريقة الشربيني العسسسسسل
اتمنى الموضوع يعجبكوا
وياريت كل الي تدخل ترد علي
مش هحلفكم زي بعض البنات
بس انتي ومزاجك يا قمر مش هزعل من حد مواضيع هذا القسم برعاية
همسه82 همسه82 182698_10.gif فتكات ست الكل Fatakat 182698 مكه – المنصورة