السلام عليكم ورحمة الله وبركاته
بصو كده وقلولى رايكم
انا فى اول الشهر الرابع وكنت بتابع عند دكتور هوا غالى شوية والكل مستغليينه وعوزنى اغيره وكنت روحتله من اسبوع ووزنى ومش لقى فى زيادة فى الوزن كتير قام قالى وقفى الالتروكسين معدناش محتاجينه
انا كانت نسبة ال tsh 12.25 قبل الحمل فكنت ياخد التروكسين 50 واعرف انه مش بيتوقف طول الحمل والدكتور وقفهولى و قولنا هنكشف عند دكتور تانى نتاكد وكده ونطمن
المهم روحنا لدكتور تانى وقال ازاى دى النسبه عاليه جدا دى كانت المفروض الجرعه تبقى اعلى من كده والالتروكسين مش بيتوقف وقالنا اروح لدكتور غده
اقمنا انا وجوزى قولنا تحليل الغده هوا الفيصل وعملناه وطلعت نسبة ال tsh 3.6 يعنى فى المعدل الطبيعى الحمد لله معنى كده ان الدكتور الاول بيفهم اهو من غير تحليل عرف ان الغده اتظبطت هوا دكتور شاطر وكبير عشان كده غالى الصراحه
الدكتور التانى بقى طلب منى شوية تحاليل فيرس سى وفيرس بى وتحليل بول وتحليل دم كامله وتحليل لو فى سقوط لا قدر الله بصراحه جوزى ادايق من الاتحايل دى كلها وقال هو ايه نظام التخويف دا ومش مقتنع بيه خالص وخصوصا انه صغير فى السن
فهل التحاليل دى بتبقى مطلوبة فعلا ودا وقتها ولا ايه
وايه رايكم فى الموضوع عموما استمر مع انهى دكتور؟؟؟
ام عمر(ان شاء الله) ام عمر(ان شاء الله) 825130_1.gif فتكات متميزة Fatakat 825130 المنصورة – مصر
