فتوكاتي الحلوات مساء الخيرات بصو ياقمرات هنعمل انهارده ملف شامل للسلطااتات للناس المحتارات هنقولو كل المكونات حلوه الاغنيه صح مساء الفل ياحلوين بصو بقي بما اني متميزه جدا جدا جدا في المطبخ الحمد لله قلت افيدكم واستفاد منك برضو لاني بستفاد افيدكم بالمعلومات وتفيدوني بالدعوات كولنا بنحب نروح ناكول بره وكولنا اول حاجه بنعملها نقف علي بوفيه السلطه ونعمل الطبق هرم وناكول ونشبع قبل الاكل حتي مايجي متتكسفوش ما كولنا كدا طيب اي رائيك تعملي الكلام دا في البيت هو ينفع ايوا وهدييكو كل انواع السلطات اللي تخطر علي بالللك في عندنا اساسيات في التتبيل هنكتب الاول التتبيله علشان بدل م كل شويه نكتبها تبقي مكتوبه جاهزه نخش ع الموضوع ياحلوات ومتنسوش ان رمضان جاي وبنحتاج خلي الترابيزه ملونه كدا طيب يلاا بينا نبدا
]التتبيله اهي (ملح +خل+فلفل اسود +ثوم مدقوق او مفروم +شطه زي متحبي )
‘]النوع الاول سلطه الفاصوليا البيضا
المقادير
كوبايه فاصوليا بيضا -طماطمايه صغننه –عودين كرفس وعودين بقدونس وكمون-التتبيله
]هنسلق الفاصوليا البيضا كويس في مايه وهنحط رشه كمون عشان متنفخش البطن انتو عارفين البقوليات بتنفخ وبعدين هبشر الطماطميه واقطع البقدونس والشبت وقلب كولو في بعضو واحط التتبيله عليها وكل دا فوق الفاصوليا وسيبيها بتاع ساعه كدا عشان تتشرب وهنزين بترنشات لمون
]ملحوظه مهمه جدا اي نوع خضار بنسلقو اول ميطلع من السلق ونصفيه بشطفو بمايه ساقعه من التلاجه احسن علشان المايهخ الساقعه بتخليها يحافظ علي لونو وعلي قومو وميتهريش دا للبقوليات او الخضار المجفف اما الخضار الطازه بحطو في مايه مغليه اغلي المايه الاول وبعدين احط الخضار اقل من دقيقه واطلعو اشطفو بمايه متلجه وارجعو تاني يكمل سوا في المايه المغليه جربي مره الطريقه دي وهتلاقي الخضار لونو هوا هوا كانو مش مستوي اصلاا لونو بيلمع كدا وجميل نكملو بقي
]النوع الثاني المايونيز
]طبعا كتير مننا بيموت في المايونيز وكتير من السلطات اللي هكتبها دلوقتي محتاجه مايونيز لو عندك عزومه كبيره مش هيكفيكي برطمناني مايونيز طيب ايه رائيكم نعملوه في البيت دا سهل اوووووووووي طيب نخش علي المفيد بقي بطلي كلام كتير يلاا بينا
]المقادير
]كوبايه خل –نص كوبايه زيت-بطاطسايه وسط مسلوقه – معلقتين زبادي -2بيض
]هنولع نارين مش نار واحده نار بغلي فيها الزيت ونار بغلي فيها الخل ايه دا خل مغلي اه خل مغلي كملي بس كملي هنروح علي الخلاط هحط البيض واسيبو يضرب اول م الخل يغلي هزل بالخل الاول فوق البيض جوا الخلاص حلو كدا وهنزل بعدين بالزيت حبه حبه لف كدا معايا بس خفيف يلاا بينا حطي البطاطس المسلوقه متزوديش عشان هتبقي سلطه بطاطس يادوب بس المايونيز يلف حبه ويبق زي المهلبيه الخفيفه لانو هيجمد في التلاجه طيب لونو مصفر حبه م احنا قولنا معلقتين زبادي هتبيضو هتديلو طعم مزز وجميل بس خلاص طيب ماهو في في السوق مايونيز بالثوم طيب اضربي فص ثوم معاها ومايونيز بالشطه طيب اضربي شويه شطه معاهم ومايونيز بالزتون طيب اضربي شويه زتون معاهم ايه المشكله يعني براحتك وهنصب في برطمان وعلي التلاجه لحد ميبرد
]النوع الثالث سلطه الخضار بالمايونيز او بنقول عليها سلطه البسله بالمايونيز
المقادير
]نص كوبايه بسله +نص كوبايه جزر مقطع مربعات صغننه +نص كوبايه فاصوليا خضرا +نص كوبايه بطاطس وكل دا متقطع صغير الاا البسله طبعا- المايونيز اللي عملناه –ملح –فلفل اسود
هنسلق في مايه زي مقلتلكم مغليه الاول هنحط الخضار ويطلع بعد دقيقه يديلو مايه متلجه وبعدين ينزل في المايه السخنه تاني خلاص كدا طلع الخضار هحط ملح وفلفل واديلو مايونيز واقلب واسيبها لحد متتشرب بس كدا والسلطه دي انا بموت فيها
النوع الرابع سلطه البطاطس بالمايونيز
المقادير
بطاطس –ملح –فلفل –مايونيز
]هنقطع بطاطس حسب الكميه اللي تعجبك كبيره مربعات كبيره شويه وهنسلق واول متطلع من السلق ملح وفلفل ومايونيز وخلاص بقي كدا خلصت وبعود بقدونس في نص الطبق
]النوع الخامس التوميه او الثوميه
]المقادير
]مايونيز –زبادي –ثوم- زبده
]سهله اوي اوي بس اهم حاجه كل المقادير اد بعض يعني لو هحط معلقتين مايونيز هحط معلقتين زبده ومعلقتين زبادي وزودي الثوم شويه 4 او 5 فصوص في طريقتين ياتحطي الثوم كدا ياتشويه علي نار البوتجاز وبعدين يضرب في الخلاط كولو كولو وبس كدا ودي بتبقي مع المشويات احلاا من الطحينه كمان [/font]
النوع السادس سلطه الطحينه
المقادير
]علبه الطحينه الصغيره او لو طحينه سايبه هنجيب ربع وهاخد نصو فقط عشلان نزبط القوام- التتبيله -ربع كوبايه مايه سخنه ومش هستعملها كولها +كمون
]هحط الطحينه في طبق غويط وهحط عليها التتبيله وهحطه شويه مايه سخنه صغيرن وهقلب حبه حبه اول متلاقيها عجنت كدا منك وبقت ملكعه تعرفي انك ماشيه صح لانها كدا بتلف صح وهنزود مايه حبه حبه ونقلب لحد متفك خالص خالص ولونها بيبقي ابيض وبتتقل ومفيهاش اي حتت مكلكعه وكدا تبقي جاهزه بس خلاص وهنزينها لو مع سمك بطرنشه لمون ولو مع مشويات بعود بقدونش
]النوع السابع سلطه الطحينه بالخضروات
المقادير
طحينه + مايه سخنه + التتبيله +بصل+ فلفل رومي +طماطم + زتون اسود
]هعمل سطله طحينه زي اللي فاتت دي بس هخفف دي شويه عنها مش تبقي مايه بس تبقي تقيله نص نص وهقطه البصل جوانج والطمطام كمان والفلفل الرومي جوانج يعني بالطول وبعدين هقلب كولو في بعضو وهرش الزتون فوق الوش ازاي اطلع البزر من الزتون هقوللك اهو هترسي الزتون علي الرخامه او علي القطاعه بتاعت اللحمه والخضار وهاتي كف ايدك كدا وتخلي الزتونه في نصف كف ايدك بالظبط واضغطي عليها هتلاقي البزره طلعت لوحدها دوسي كمان وكمان لحد متخلصي كل الكميه وخلاص ودا مش محتاج يتزين هوا مزين نفسو لوحدو ودي جنب طبقي فول ايييييه بقي ملهاش حل جميله جميله يعني او مع كفته مشويه الله عليها
]النوع الثامن سلطه الزبادي
]المقادير
]علبه زبادي بلدي مش جهينه ولاا نسله – خياره –فص ثوم-معلقه نعناع –ملح بسيط اوي
]هنبشر الخياره وهنعصرها لان المايه بتاعتها هتخلي الزبادي صايط هنقلب الزبادي مع الخياره وفص الثوم هشقو 2 بس والنعناع الناشف والملح واقلب بعد شويه اشيل الثوم يادوب يكون ادا ريحه وطعم علشان انا عن نفسي بقرف من طعم الثوم الني لما يقرمش تحت الضرس كدا اما لو حابه قطعي الثوم ومتشيليهوش خلاص والسلطه دي تليق جنب اي اكل حتي الحوواشي والفسيخ كمان
]النوع التاسع سلطه الفاصوليا الخضرا
]المقادير
] كوبايه فاصوليا خضرا متقطعه – التتبيله +كمون
]هنسلق الفاصوليا وهنقلب عليها باقي المقادير وهنسيها تتشرب وبتتزين بطرانشه واحده بس بالطماطم في نص الطبق [
]النوع العاشر سلطه الطماطم بالشبت
]المقادير
[ طماطم – ربع حزهمه شبت –التتبيله
]هنقطه الطماطم ترانشات او جوانج طبعا بعد متتغسل هي والشبت وهحط التتبيله والشبت اقطعو وارشو فوق الوش واسيباه تشربو ممكن تحطي كمان لمون او لاء زي متحبي
]النوع الحادي عشر سلطه الحمص
]المقادير
]كوبايه كبيره حمص الشام مسلوق (حمص الشام بتاع الكشري دا ) – التتبيله
]هنسلق الحمص كويس وهحط عليه التتبيله وهنقلب وهزين ببقدونس او شبت وممكن نقطع كام عود كدا ونقلبهم عليه
]النوع الثاني عشر سلطه بابا غنوج
]المقادير
]بدنجانه كبيره –التتبيله – طحينه- فلفل حار واحد بس – معلقه كمون
]هنولع الفرن وهنحط جواه البدنجانه وننساها حبه وكل حبه كدا نقلبها علشان كل الجناب تتشوي كمان ممكن نحطها علي النار عادي من فوق تتشوي خلصت شواها كدا هسيبها تبردد وهشر القشره وارمبها وبعديين احطها في الخلاط مع التتبيله وطحينه ورشه كمون والفلفل واضرب كولو في الخلاط وبيطلع ابيض اوي وجميل جدا وانا بعشقو جنب السمك المشوي
]النوع الثالث عشر سلطه المتبل
]المقادير
]بدنجانه كبيره –طماطمايه – افلفل حار – التتبيله –بصله صغيره
]نفس طيرقه البدنجان المشوي دا اللي فوق وهبشر الطمطامايه وهبشر بصله وهقطع الفل صغنن اوي وبعدين اول مطلع البدنجانه ههرسها بالشوكه عشان عيزها كدا فيها عروق مش مهروسه جامد وهحط عليها التتبيله والطمطام والبصل اللي بشرناهم وهنقلب بس كدا]
]النوع الرابع عشر سلطه البطاطس ]
]المقادير
[ بطاطس كبيره –التتبيله – بقدونس وشبت
]هنقشر البطاطس وهنقطعها زي كاننا هنعملها بطاطس محمره وبعدين الصوابع الطويله دي هنقطعها مربعات طيب ليه هنقشرها ونقطعها الاول هقوللك علشان البطاطس تكون كولها حجم واحد ومش مهريه وشكلها جميل ومش هتاخد وقت في السلق المهم بقي هنسلق البطاطس واول متطلع اكون حطاه التتبيله في طبق وحاطه عليه بقدونشس وشبت متقطعين صغنن اوي وهلقلب كولو في بعضو مع البطاطس وخلاص كدا
] النوع الرابع عشر البطاطس المهروسه
]المقادير
[2 بطاطس كبيره –التتبيله –فلفل حار واحد بس
]الطريقه بقي جميله ودي مش سلطه دي بتتاكل لوحدها كدا مع العيش جميله هنسلق البطاطس وهنهرسها بالشوكه وبعدين هفرم الفلف او ادقو في الهون واقلب عليه التتبيله واخد كل المقادير علي النار في معلقه زبده او زيت وانا شغاله تقليب لحد م البطاطس لونها يتغير معايا و ازينها بعود بقدونس ودي جميله اوي اوي]
]النوع الخامس عشر البطاطس البيوريه
‘]المقادير ]
2بطاطس كبيره – نص كوبايه لبن – معلقتين زبده –ملح –فلفل اسود
].هنسلق البطاطس وهنحطها في الخلاط او الهون تتهرس كويس بدون اي حته مكلكعه كدا جواها وبعدين هحط الزبده مع اللبن مع الملح وهنقلب كولو في بعضو وكدا تكون جاهزه
]النوع السادس عشر البدنجان المخلل اللي انا مشهوره بجمالو
]المقادير
]بدنجان رفييع مش زي بتاع المحشي لاء ارفع واصغر – التتبيله – لمون –جزر مبشور
]هنعمل ايه بقي ركزي اوي هنسلق البدنجان سلق كويس علشان ميبقاش مجلد كدا ورخم خلصنا سلق هشطفو بمايه واخد البدنجان واحده واحده سيبي حته من فوق وحته من تحت وشقي البدنجانه متقطعيهاش 2 لاا شقيها وبس حلو كدا وبعدين هغلي زيت علي النار وهنزل جواه البدنجان يتقلي الله طيب ليه سلقتو من الاول علشان يبقي طري وعلشان لونو يتغير معايا علي م البدنجان يتقلي هاجي انا علي جنب اقلب التتبيله في الجزر المشور وياسلام لو نزود الثوم والشطه في اللتبيله دي لما البدنجان يطلع هعسر عليه اللمون هتلاقي لونو بقي بينك كدا من جوا ومكان معملنا الشق هنحط التتبيله بتاعتنا جوا البدنجان واحده واحده ونرص علشان الحشوه متقعش واغطيه واسيبه يتشرب براحتو بقي وادعولي بقي دا ملهوش حل
]النوع السابع عشر سلطه الكول سلو
]المقادير
]نص كرمبه صغيره –جزرتين مبشورين -6 معالق مايونيز –معلقتين زبادي –معلقه سكر –هنزود حبه خل مش كتير – بصله حسب الرغبه ويمكن الاستغناء عنه]
]هاخد الكرمبه واقطعها رفيع اوي اوي ولو عندك مفرمه افرميها احسن وهنحط عليها الجزر المبشور هاجي للخلاط علي جنب احط المايونيز والزبادي والسكر والخل وانا عايزه القوام يكون مش زي المايه عيزاه اتقل حبه وانا دوقتها بالبصل صراحه عجبتني لكن الاساس من غير بصل ف انا هنا هحط طرنشه بصل واحده واضرب في الخلاط مع الدرسنج دا خلاص كدا هحطو فوق الكرمب والجزر وازبط الملح واقلب وسيبيها تتشرب
‘]النوع التاسع عشر السلطه الخضراء
]المقادير
[F1طماطم -1خيار-اجزر مبشور –نص حزمه جرير –نص كابوتشي –بصله صغيره اوي –زيت زتون-ملح –خل او لمون
]طبعا كولنا عارفين السلطه الخضرا كول الكلام دا هيتقطع وهنحط الملح واللمون او الخل وفي الاخر نقلب وفوق الوش زيت الزتون نرشو كدا وخلاص
]النوع العشرون سلطه الفلفل
]المقادير
[O2طماطم كبار – فلفل اخضر حار –التتبيله
]انا بقي هقولكم سر انا بموت في الجمبري الصغير اوي دا بتاع الصيد بجيبو واتبلو بالثوم والكمون واقليه زي ماهو كدا بقشرو بيطلع جميل جدا وباكول معاه السلطه دي لازم جنب بعض هوا كدا بقي مبعرفش اكلو من غير كدا وكمان البساريه ياااااااااااااه علي جمالها مع السلطه دي هقولكم طريقتها هي سهله بس جميله بنقطع الطماطم مربعات وبدق الفلفل وبقلب كولو مع التتبيله وبزود شطه كتير اوي وبعيش حياتي بقي
]النوع الحادي والعشرون سلطه الحمص المطحون
]المقادير
]كوبايه حمص الشام مسلوق – نص كوب طحينه – التتبيل – كمون
]باخد كول المقادير علي الخلاط واضرب او المفرمه وازينها بورقه ريحان فوق الوش وخلاص
]النوع الثاني والعشرون سلطه الجبنه القريش
]المقادير
قطعه جبن قريش –طماطمايه –فصين ثوم ]
]ببشر الطماطم والوثم وبحط عليهم الجبنه القريش وبهرس بالشوكه وبعدين احط فوق الوش معله زيت زتون ولاا ملح ولاا فلفل بس كدا وعلي فكره ممكن نبدل الجبنه القريش بالجبنه البيضا
]النوع الثالث والعشرون سلطه المكرونه]
]المقادير ]
]اي شويه مكرونه فاضلين عندك وانا عن نفسي بحب الفيتوتشيني اللي هي الفيونكات دي – التتبيله –طماطم مبشوره –بقدونس وشبت مبشور –اي نوع جبنه وممكن منستخدماش
]هنسلق المكرونه ونصفيها ولما تبرد هحط باقي المقادير واقبل واسيها تتشرب وعلي فكره بتبقي جميله اوي بلسان العصفور حلوه جدا وكمان لو الشعيريه بس كمان بحط عليها بسله مسلوقه
]النوع الرابع والعشرون البدنجان بالخل والثوم
]المقادير
]بدنجانه كبيره – التتبيله وهنزود الشطه
]هنقطع البدنجان ترانشات وهنقليه في الزيت واول ميطلع احط عليه التتبيله واسيبو حبه يتشرب ممكن كمان اقلي معاه فلفل وبرضو احط عليه التتبيله دي ودا جنب السمك ملهوش حل ولوحدو كدا يتاكل اكل ههههههههههههه اصل انا مدمنه بدنجان
]النوع الخامس والعشرون بدنجان بالصلصه
]المقادير
]بدنجان –صلصه علب –التتبيله –بطاطس –فلفل رومي
]هنقلي البدنجان والفلفل والبطاطس وكل ددول متقطعين مربعات ترانشات اللي تحبيه وبعدين تششش التبيله وهوا سخن ومكان القلي بصفي الزيت وبحط الصلصه وبخفها بالخل وارجع الخضار جواها تاني واطفي النار في ساعتها مسيبهوش يغلي علشان هيتهري ويبقي ولاا اكل الاطفال ممكن تدخليه الفرن وممكن لاء
] النوع السادس والعشرون سلطه التونه
]المقادير]
]علبه تونه –زتون-طماطم –بصل –خل –شطه
]هنفتح علبه التونه بالزيت بتاعها كدا وهنقطع الطماطم والفلفل الاخضر والبصل واحط الزتون عليهم والشطه والخل وهنقلب كولو سوا في ناس بتحط معلقه مايونيز عليها بس انا مبحبش ودي مش محتاجه اكل جنبها هي كدا وخلاص
]النوع السابع والعشرون سلطه الفول بالشطه
]المقادير
]ربع كيلو فول تدميس حبايه كبيره –التتبيله – كمون
]هنسلق الفول لحد ميكبر كدا ويستوي وبعدين اصفيه واديلو التتبيله والكمون وازود شطه واسيبو براحتو يتبل ودا كدا بقي تسالي قدام التلفزيون بدل اللب والسوداني اللي هيخلونا نبقي تسعه في واحد
]النوع الثامن والعشرون سلطه الذره
]المقادير
] ذره – زبده –ملح
]هنروح السوق نشتري ذره بتاع الشوي دا وهنقرو ونغسلو بحالو واهو الصيف جه يعني الذره ظهر هنسلق الذره بحالو كدا واول ميطلع من النار وهو سخن ناخد حته زبده في ايدنا ونمشيها عليه فوق الوش كدا تسيح وبالهنا وممكن كمان تفصصيه بس غلبه بقي كدا اسهل اه نسيت اقولكم الملح بيتحط في مايه السلق بس كدا[/
]النوع التاسع عشر سلطه البنجر
]المقادير
[2 بنجر كبير –التتبيله –كمون
] هنغسل البنجر زي ماهو كدا وبعدين هنسلوقه بحالو اوعي تقشريه او تقطعيه لان لونو هيزل في المايه هياخد وقت علي النار معلش بعد ميستوي هتلاقي القشره بتتزحلق لوحدها كدا من عليه وبعدين نقطعو براحتنا في ناس بتحبو ترانشان وناس بتحبو مربعات وانا بحبو زي البطاطس المحمره صوابع كدا وبعدين نحط التتبيله والكمون ونسيبو حبه كتير لانو بيتشرب ببطيء فظيع
]النوع الثلااثون والاخير لان انا تعبت
]المقادير
]سلطه طازجه بدون اضافات ترانشات طماطم –ترانشات خيار –ترانشات جزر – ورقات خص –ورقات جرير ونغسل وناكول كدا عشان بشرتنا تبقي احلاا
]ملحوظه الموضوع سرحتو فيه وركزتو اوي في الطريقه والمقادير وعجبكم عشان كدا مركزتوش ان مفيش رقم 18 ههههههههههههههه عليكو واحد بقي يلاا قيمو الموضوع وهستني ردودكم
علي فكره كمان انا جربت اكتب الموضوع كولو امبارح لقيت الساين قفل اوتوماتك وزي الهبله رجعت كتبتو تاني انهارده بس المره دي كتبتو ورد واخدتو كوبي وحطييتو للفتوكات يلاا بينا بقي قيمو كدا وبقولكم ايه بقي ادعولي اجيب بيبي عشان قربت اطلق خلاص وكل سنه وانتو طيب ورمضان كريم وبخير علينا وعليكم وعلي مصر وعلي كل المسلمين والمسيحين كمان عشان ميزعلوش مني مواضيع هذا القسم برعاية
I MISS ALEX I MISS ALEX فتكات رائعة Fatakat 600955 uae – uae