السلام عليكم ورحمة الله وبركاته
انا بجد الاحلام اليومين دول هتجنني ونفس الحلم بتكرر بس بطريقة مختلفه وقلقني وخايفه تكون رساله انا مش فاهمها او نذر
الحلم الاول الا اتكرر اكتر من مرة بموت اختي الصغيرة :
حلمت اني بقول لامي انا مش عايزه اخلف زي عيالك العار دول وبهزر معها لان اخواتي الصغيرين مدلعين جدا وبعدين احداث مش فاكرها وبعدين جهه جزار جارنا ( اسمه ياسين ) جاي يدبح لنا ليا ولماما وبعدين لاقيت ماما بتقوله ادبح ده انا مش شايفه الا بتقوله ادبحه هو ايه لاني كنت مشغوله بتسريح شعري وبعدين لاقيت معه زيي عداد ترمومتر بقيس بيه حاجه زيي نبض الا الشئ الا دبحه ولاقيته ارقام تحت السالب ياعني مثلا -88/78 وبيعد المهم قلتله ياعني كده خالص مات ونبضه وقف قالي اهه وبعدين لاقيته ماسك طفله عندها حوالي 10سنين جررها من شعرها انهرت وقلتله الا انت بتعمله ده بتجرها ليه وقتلتها ليه قالي هي الا قلتلي على ماما ببص لاقيت الطفلة ديه اختي ( اسمها رحمة ) انهرت وفضلت اعيط واحضنها ليه يارحمة اصحي وفضلت اقول لماما ليه عملتي كده موتي اختي ليه وانا منهاره قالتلي وهي كانت هاديه بس زعلانه انتي مش قلتيلي خلفتك عار انا خلصتك منها فضلت اقولها انت عارفه اني بهزر معاكي دايما كده مسالتنيش ليه قبل ما تعملي كده مقلتليش ليه وفضلوا يهدوا فيا وانا اعيط وفي دماغي اخد بنتي واهرب منهم ميشوفنيش ابدا ومبقتش مصدقة اني مش هشوف اختي تاني الا اتولدت وربيتها وبعتبرها زيي بنتي لانها مولوده وانا عندي 18 سنه
وكان فيه حلم قبله لرحمه بردوك بانها ميته بس مش فاكره ازاي وانا بردوك هتجن
الحلم التاني حلمت كأني واقفة جنب الكشك الا تحتنا شغاله فرارجيه وبعدين بدبح (وديه حاجه في الحقيقه مش ممكن ابدا) وبقطع كبده المهم جيت بدبح فرخه صغيرة بس متهيالي كانت من غير ريش لاني كنت بدات ادبحها من سوري ياعني الزلموكه الا بتظهر في الفرخه وبنقطعها عند التنضيف فكنت بقطعها من قبل ما ادبحها فلاقيتها بتقولي حرام عليكي او بتتوجع والسكينه كانت مشرشره ومش متساوية الشرشره فمكنتش مظبوطه فقلت حرام ازاي اقطع فيها حته وهي لسه مدبحتش فجيت ادبحها من رقبتها بس السكينه كانت بتعورها وتجرحها علشان مشرشرة ومش عارفه ادبحها وهي بتتوجع في ايدي المهم قلت لماما انا مش قادرة ادبحها اتصرفي انتي وقررت اني مش هدبح تاني ولا اقطع اي كبده المهم شفت محل جنبنا زيي مايكون بسوي سلحفاه كتير ويبعتها دليفري واستغربت اوووي المهم الفرخه الا كنت بدبحها ديه بقيت بنتي ( اسمها سلمي عندها 3 سنين ونص) فلاقيت ماما واخدها قال هتدبحها بعيد علشان انا مش عارفه وبعدين بقي قلبي يتقطع عليها ومضايقه هقتل بنتي ليه وبدبحها ليه جريت على امي لاقيتها راجعه من غيرها وبتشاورلي بصابعها في نفس الوقت الا بشاورلها فيه بي ( لا ) قالتلي متخفيش ولاقيت سلمي ماشيه مع واحد جارنا كبير ( اسمه يحي ) وبنات صغيرين ماما قالتلي متخافيش مهنتش عليا قلتلها هتيها احضنها ونداوي الجروح الا في رقبتها لتموتها قالتلي هتلف مع البنات وترجع زيي ما يكون بنات خارجين من حضانه وجارنا هيوصلهم بيوتهم وهي هترجع معه وبعدين حصلت زيي ما يكون فيه فته هتحصل والمسيحين هينتقموا وبعدين اختي ساره قالتلي على جوزها بيعدي من عند العيله الا اسمها عبدالقوي المسيحيه كل يوم ومش بيقطعوا عليه الطريق رغم انهم بيشفوه دلوقتي بقي يأذوه ورحنا عند الناس ديه وزيي ما يكونوا متعودين نوديلهم كشري واخت حلة الكشري ( موجوده عندي بالفعل ) واديتهالهم بس وانا اعده منتظرهم انا واختي لاقيت ورا باب شقتهم المقفوله من جوه صور منحوته لحاجات زيي الهه فارعنه وقساوسه وناس بعين واحده واشكال غريبه وبعدي الراجل صاحب الشقة قالي فين الصلصله اتكسفت اقوله خلصت قولتله نسيتها قالي كل مره كده لاقيت جوزي( اسمه خالد ) بيخبط وجايب حله وبقوله جبت الصلصة قالي ثواني هعملهلكم ودخل شقتهم يعملهلهم بس جوزي في الحلم كان شكله مختلف عن الحقيقه
وصحيت وانا مخنوقه وخايفه
حلم تالت
ان انا واختي خارجين نتفسح ولا قينا الشارع مظاهرات وقلق ومفيش امن قلتلها نرجع بالعيال قلتلي لا المهم داخلنا مكان مسكها راجل وعايز يغتصبها واحنا لوحدنا وانا مش عارفه اعمل ايه خرجت وفضلت اصوت وانادي جت واحده وناس كانوا ماشيين بس دخلنا لاقتها قدرت تخرج منه بس متبهدله
ام سلمي المصرية20162016 ام سلمي المصرية20162016 images/avatars/landscape.jpg فتكات هايلة Fatakat 1006013 القاهرة – مصر
