الكلاسيك لوك,
كان منتشر اوي زمان و خصوصاً في افلام هوليوود القديمة,
بس إذ فجأة رجع تاني دلوقتي,
و بما انه من النوع اللي بحبه,
فقلت احكي معاكم عنه شوية,
دا اللوك,
طبعاً واضح انه مش للنهار خالص
بس انا بحبه عشان سيمبل و مناسب للسهرات للناس اللي مش بتحب الالوان الكتير,
الفكرة فيه هو لون الlipstick الاحمر بدرجاته,
و الcat eye
و هو بيليق اكتر علي البيض و القمحاويين,
لكن شكله مش مناسب علي السمر.
اول حاجة طبعاً الفاونديشن,
و بما اننا بنتكلم عن ميك اب لسهرة,
يبقي ياريت يكون فاونديشن ثابت مش بيسيح بسرعة,
او ثبتيه بباودر عشان ميطيرش من اول نص ساعة.
================
بعد ما جهزتي وشك بالفاونديشن و الباودر,
ندخل علي العينين,
اللوك مش محتاج شادو,
بس لو عاوزة تحطي,
يبقي بلاش الوان,
ركزي علي السيلفر و الابيض و الاسود,
حطي منهم علي خفيف,مجرد لونهم يبان مش اكتر,
و مهم يكونوا جليتري مش مات
دا شادو سيلفر من sephora
و دا شادو ابيض جليتري,من Mac
و دي احسنهم, باليت من NYX فيها ال 3 الوان جليتري.
====================
بعد الشادو, ندخل علي رسمة العين,
ممكن تستخدمي كحل و ممكن تستخدمي آي لاينر لو بتعرفي تتحكمي فيه كويس,
و الافضل في اللوك دا الاي لاينر,عشان shiny شوية,
الcat eye سهلة طلاما عارفة تتحكمي في القلم او البرش,
دي طريقة تترسم بيها,
و دا لو عاوزة تزودي عليها جليتر بالبرش,
ممكن بعد كدا تحطي جوا عينك,ممكن متحطيش,
حسب زوقك, بس لو انتي عينك ضيقة, متحطيش عشان الاسود جوا العين بيضيقها اكتر
======================
و متنسيش الماسكارا لانها مهمة في اللوك دا,
في انواع كتير و كل واحدة و زوقها,
بس rimmel و max factor و maybelline حلوين اوي و بيكثفوا و يطولوا
===================
خلصنا من العينين،ندخل علي الblusher
متغامريش و تحطي بلاشر احمر و فوشيا غامق و الوان فاقعة,
و في نفس الوقت متحطيش لون هادي و natural,
خليكي مع الروز و البينك,
دا لون بينك عاجبني اوي من Mac
و دول من E.L.F
========================
خلصنا البلاشر,
مفاضلش غير الlipstick
خدي عندك احمرات زي مانتي عاوزة بقي,
احسن انواع هتلاقيها بتاعت revlon و burjois
و دول كلهم الوان تناسب اللوك دا,
=========================
=============
بسسس كدا,
انا خلصت اللي عندي,
لو عجبك الموضوع قيمي,
لو معجبكيش…قيمي بردو
و اخيراً,
حبيت افكركم ان الزينة لغير المحارم حرام شرعاً
♥Dou♥ ♥Dou♥ 526927_2.gif فتكات رائعة Fatakat 526927 القاهرة – مصر