السلام عليكم ورحمة الله وبركاته
ازيكم يا فتوكات 😀
كنت بتناقش مع صحبتي بخصوص الدايت والاكل الصحي وبعدين اكتشفت ان فعلا احلي اكل -طعمه حلو – هو الصحي!
بغض النظر انتي بتعملي دايت ولا لا ، انتي محتاجة قيم غذائية في اكلك ، جسمك محتاج يوميا نسبة معينة من كل حاجة فيتامينات ومعادن وغيره
فحتي لو واحدة مش بتتخن اصلا لما تعيش حياتها بتاكل مقالي وجبات سريعة وحلويات طب ماهي بعد الشر عننا جميعا هيجيلها كوليسترول وسكر وغيره حتي علي المدي البعيد
فلازم اولا نقتنع ان الاكل الصحي مش للي عايزين يخسو! لا هو للي عايزين يعيشوا بصحة كويسة يعني تقللي احتمال اصابتك بالامراض ونشاطك يبقي طبيعي وتركيزك في كل حاجة
ولازم تعرفي كل لقمة بتاكليها وكل مشروب فيه كام سعر عشان تبقي عارفة جسمك خد اد ايه وممكن تاكلي كمان اد اسه متسيبيهاش سداح مداح ، والسعرات لاي حاجة سهل جدا تيجي من النت
ندخل في الاكل الصحي
انا كنت حابة اضرب امثلة علي اكل صحي ، سعراته قليلة ، طعمه رائع
_الفاكهة بكل انواعها وبلا منازع ، قصة السعرات اظبطيها مع نفسك وحددي كميات اقل للفاكهة العالية زي البلح والموز وغيره
_السلطة الخضرا بمختلف مكوناتها ، صحبتي بتقولي انا ممكن اعيش حياتي اكل سلطة بس طعمها رائع ، وكل واحدة بتنقص المكون الي طعمه مش عاجبها وتزيد الي عاجبها ، والافضل انك تاكلي كل حاجة ورقيات وخيار وطماطم وجزر وبروكلي وكل الي تقدري عليه من الخضراوات وانتي الكسبانة ، ودا تمنه ميجيش نص وجبة من الوجبات السريعة !
_المشاوي! اقصد اللحمة والفراغ مش الكفتة والطرب 😀 ، دول في الشوي الذ بكتيييير واقل سعرات بكتيير برده
_الفشار 😀 -من غير زيت ولا ملح لو بتعملي ريجيم
شوية ملاحظات بقي عارفة انها مش جديدة بس في الاعادة افادة
استبدلي :
المربي والحلويات بالفاكهة الطازة والسكر بالعسل والمقلي بالمشوي والزيت العادي بزيت الزيتون او السمسم وهكذا كل واحد عارف بالفطرة ازاي يقلل السعرات بس بنستهبل 😀
[/color][/color][/color]المهم بقي انا فكرت اعمل الموضوع الطويل العريض دا ليه 😀
عشان قضيت علي اسطورة ان المسلوق طعمه وحش وان لا غني عن الزيت او السمنة عشان الحاجة متلزقش او تتحرق
عملت شبه مسقعة
ازاي؟ ومعلش مفيش صور بقي حاولي تتخيلي 😀
بشرت بصلة وطماطميتين وحطتهم عالنار -بدل ما اشوح بصلة مقطعة ف شوية زيت خدتي بالك-
وعليهم صدر فرخة مسلوق من امبارح ومقطع وفصين توم مفرومين
وعليهم بتنجانة كبيرة مشوية -حطتها علي عين ابلوتجاز لحد ما استوت وكشت وقشرتها تحت الماية –
وقطعتها وضفتها وشوية فلفل حراق ونص مكعب ماجي ومن غيره احسن
ممكن تضيفي فلفل مشوي بنفس طريقة البتنجان
وبس شكرا علي كدا
قيمة غذائية من غير دهون وطعم رهييب بنفس الطريقة تقدري تعملي باقي الحاجات وتقدري تستبدلي الفراخ باللحمة وهكذا
والسلام ختام 🙂 مواضيع هذا القسم برعاية
DoU DoU 525457_2.gif فتكات رائعة Fatakat 525457 CairO – EgYpT