ازيكوا يا فتكاااااااااااااااااات :
جايبالكوا النهارده وصفه قرنبيط دايت لا تقولولي بقا مش بنعرف ناكله غير مقلي او بشامل ده قرنبيط صحي و دايت و طعمه حلو كمان
الوصفه :
1- بعد ما تسلقي القرنبيط بتاعك نص سلقه و تسبيه يتصفى علي جنب كده ..
2- تجيبي طاسه و تحطي فيها زيت زيتون و معاها ب بصله متقطعه شرائح طويله و رفيعه و تقلبي لغايه لما يبقى لونها ذهبي كده .. و فلفل رومي متقطع شرايح طويله و فصين توم شرائح ..
3- و تفضلي تقلبي فيهم لغايه لما يدبلوا شويه كده و تحطي عليه رشه كذبره خضره تقطعي ورقها عليهم كده ..
4- تنزلي بالقرنبيط بقا و بهاراتك و الملح و الفلفل حسب زوقك و تفضلي تقلبيه بقا لغايه لما ياخدوا علي بعض كده
5- اخر لمسه سحريه بقا تروحي رشه عليه رشه صويا صوص حلوه " خللي بالك في صويا صوص حادقه بلاش " انا حطيت الحلوه .. و تقلبيها و توطي النار كده علشان تستوي و بس كده ..
و بس كده الف هنا و شفا عليكوا و يا رب تكون عجبتكوا و اهي وصفه دايت و صحيه و طعمها تحفه علي ضمانتي
و الصوره اهي
مواضيع هذا القسم برعاية
Rana Draz Rana Draz فتكات نشيطة Fatakat 860870 القاهره – القاهره