فتوكاتى الرشيقات كسرا للملل من أكلات الرجيم و اللحوم و الطيور اللى بتتاكل اما مسلوقة أو مشوية تعالوا النهاردة نعمل طبق شيش طاووق انما جامد أوى و طعمة روعة و من غير نقطة دهون واحدة معاكى ورقة و قلم يلا أكتبى بسرعة
1 – كيلو وراك فراخ مخلية (ما ينفعش صدور لأن الوراك طرية و تعطى نتيجة أحسن) و تقطع قطع متوسطة
2 – نجهز التتبيلة فى وعاء و هى : عصير بصلة كبيرة – 3 فصوص ثوم مفرى – ملح – فلفل أسود – بهارات – 2ملعقة كارى ( أو زعتر حسب الرغبة ) – علبة زبادى – ملعقة كبيرة خل – ليمونة
3 – تخلط التتبلة جيدا ثم تضاف وراك الفراخ عليها و تقلب جيدا و تترك فى الثلاجة مدة لا تقل عن ساعتين و ياريت ثلاث ساعات
4 – تحطى طاسة تيفال على النار من غير أى دهون و تأخذى قطع الفراخ من التتبيلة و تضعيها فى الطاسة على نار عالية ( الغرض أعطاء لون سريع للفراخ ) ثم ترص فى صينية وتضاف عليها ماء التتبيلة و توضع فى الفرن لتكملة السوا بتعها
5 – مش عاوزة أقولك بداية من ريحتها و لا طعمها قد أية تجنن و ياريت معاها رز بسمتى ( ماء مضاف له ملح و بهارات و كارى و قليل من الكركم علشان اللون الاصفر الجميل و ملعقة زيت بسيط ان حبيتى)
خاصا أن الشيش بيطلع منه صوص طعمة جميل جدا على الرز
و بألف هنا و يا رب يعجبكم بأنتظار تعليقاتكم و يا ريت اللى عندها طريقة لعمل اللحوم و الفراخ بس مش مسلوقة أو مشوية تقولنا و منها نستفيد مواضيع هذا القسم برعاية
ن دحروج ن دحروج images/flowersavatars/avatar0033.jpg فتكات حبوبة Fatakat 149811 القاهرة – مصر
سبحان الله و بحمده