السلام عليكم
ازيكووووووووا يااحلى رشيقات
يارب كلنا نخس بسرعه بصحه وسلامه
النهارده بقى زهقت من الفراخ اللي ببصله
فعملت اه بقى بربع الفرخه اللي باكولها في الغدا وليمه
وطبعا انتي لما تشوفي الاكل كتير كده قدامك بتحسي بالشبع لوحدك
وبكرررررررررر في كل موضوع من موضوعاتي
وصفاتي كلها في القسم ده من غير ولا نقطة زيت
عملت فتة شاورما
شوربه بلسان عصفور
فراخ مسلوقه
بربع فرخه بس
الربع فرخه هيكون صدر
هنقسمه تلت حتت
ايون تلانه متستغربوش
هناخد الجزء اللي فيه لحم اللي بيبقى اخر جزء في الصدر
ونخليه وناخد اللحم نقطعه حتت صغيره زي كده
وباقي الربع هنعمل بيه شوربه هنحطه مع كوبايه مايه كبيره وبصله مبشوره وملح وفلفل
المهم الحتت اللي قطعناها دي
هنعملها شورما
هنحتاج نص كوب زبادي لايت
ونص طماطميه ونص بصلايه ونص فلفلايه
هنضربهم في الكبه مع بعض او نبشرهم ونحطهم على نص الزبادي
ونحط توابل
ملح وفلفل
معلقة قرفه
ونقلبهم مع بعض
وبعدين نتبل الفراخ بيهم
ونحطهم في التلاجه على الاقل تلت ساعات ولو مستعجله حطيهم في الفريزر لمده نص ساعه
علشان لازم تمسك الخلطه في الفراخ
في الوقت ده سلقت الفراخ
وحمصت عيش سن مع شوية توابل
هنطلع الفراخ من التلاجه وهنحطها في الطاسه علطول من غير اي شئ
بس لازم نسخن الطاسه جامد
ويكون العين عاليه
وهنسبها تستوي مع ربع كوباية مايه
وكل ماتعوز مايه نحطلها لغاية ما تستوي
منحطلهاش مايه غير لما تعوز بس
ونحط كمان باقي الطاطميه والبصلايه والفلفلايه النص اللي فاضل مقطعين حتت
ونسبها تستوي
وفي الوقت ده هنعمل اللسان عصفور
هنحطه في الحله من غير شئ ونقعد نقلب لغاية ما تتحمر
وبعد ماتتحمر هنحط الشوربه ونسبها نغلي غلويتين
والشاورما خلاص خلصت
مممممممممممم لذيذه قوي والله
انا حطتلها باقي علبة الزبادي والعيش المحمص
وده الشكل النهائي
دي فتة الشاورما
ودي الشوربه بلسان عصفور
ودي الفراخ المسلوقه
وبكده اكون عملت تلت اصناف بربع فرخه بس
ممكن بقى تدعيلي اني ربنا يوفقني في الامتحانات والمذاكره
وممكن كمان متنسيش التقيييييييييييييييييم
واللي هينسى التقييم هو عارف الحفره الي هيقع فيها وهو خارج
ودي من مواضيعي في قسم الريجيم يمكن تفيدك
تعالوا شوفوا غدايا النهارده رز بشعيريه ولحمه من غير ولا نقطة زيت
محشي دايت من غير ولا نقطة زيت من مطبخ ɱǒʝҿɽʠ ɧɛɩɷ
صنية سمك للرشيقات بالصور ومن غير ولا نقطة زيت
مواضيع هذا القسم برعاية
ɱǒʝҿɽʠ ɧɛɩɷ ɱǒʝҿɽʠ ɧɛɩɷ 237616_111.gif فتكات ست الكل Fatakat 237616 قلب ماما وبابا – رعاية الرحمن