ازيكم يااحلى واجمل كلبوظات
بصوا بقى
قعدت ادور فى النت على طريقه مناسبه لكحك العيد تكون دايت مش لقيت
قلت والله لادخل اخترع فى مطبخى
وعملت البيتيفور وطلع رائع
ومقاديرة كلها دايت ماعدا حاجات بسيطه
فا سعراته الحراريه قليله جدااااااااااااااااااااااااا
يعنى حاولنا نقلل على قد مانقدر
واتكلت على الله
نصف كوب زيت زيتون
نصف كوب زبده خاليه من الملح او لايت
بيضه واحده
كوب دقيق شوفان مطحون (طحنته فى مطحن الخلاط)
كوب دقيق اسمر
معلقه كبيرة فانيليا سايله
رشه ملح
نص كوب سكر مطحون (هنا حطيت نص كوبايه سكر عادى وعليه 10 حبات سكر دايت وطحنتهم )عشان احنا عارفين ان جزيئات السكر العادى بتضيع مع جزيئات السكر الدايت
الكلام ده انا ذكرته فى موضوع قديم ليا
الشيكولاته الدايت
معلقه ماء زهر او ماء ورد
معلقه بيكنج بودر
حطيت السكر والزبده والزيت فى طبق غويط ودوبت لحد ما تجانسوا سوا وضفت البيضه ومعلقه الفانيليا وضربت بالمضرب لحد ماتجانس واضفت معلقه ماء الورد
كنت محضرة
الدقيق على بعضه الشوفان والاسمر
وعليه رشه الملح والبيكنج بودر
ونزلت عليهم بالسوايل اللى اتخلطت الاول
وعجنت لحد مابقوا تمام
وبعدها شكلتهم ومكنش عندى اى حاجه اشكل بيها
خرمت كيس وعملت بيه
ودخلته الفرن 10 دقايق
واستوى سبته لما يبرد خالص
ورصيته فى الطبق كده
ولو عجبكم الموضوع وان شاء الله يعجب
ماتنسوش التقييم والدعاء بصلاح الحال
وادى الصور
الاول صورة الكوبايه اللى عايرت بيها كل حاجه
ودى صورة الشوفان وهو مطحون زى الدقيق العادى بالظبط حاولت اوريه لكم
ودى صورة العجينه جاهزة للشغل بيها
ودى صورة الفانيلا السايله حبيت اوريها لكم عشان اللى مايعرفهاش
ومكتوب عليها من ورا روح الفانيليا
وادى البيتيفور بعد ماطلع وبرد ورصيته
وده من ن قريب شويه
لسه بقى مزوقتهوش بس هرش شيكولاته سايله
على طريققتى
الشيكولاته الدايت فى البيت
وبالهنا والشفا
مواضيع هذا القسم برعاية
شذى ياسمينه شذى ياسمينه 595627_5.gif فتكات ست الكل Fatakat 595627 الفروانيه – خبيره تجميل بالكويت