يسعد مساكم بكل خير وسعادة حبيباتي
اول مرة انزل موضوعي في القسم ده
وان شاء الله مش حتكون اخر مرة
بتشجيعكم ودعمكم ليا
موضوعي اتسألت عليه كتير
ووعدت البنات اني حنزله في اقرب فرصة
والحمد لله بوفي بوعدي ان شاء الرحمان
الحريرة المغربية
وهي عندنا ملكة السفرة في شهر رمضان
في انحاء المملكة المغربية مع التمر والبيض المسلوق
الكمية الي مستعملاها كبيرة
ممكن تستعملو نصف الكمية
6 حبات طماطم
بصلتين كبار ولو صغيرين 4 بصلات
كوب حمص منقوع وبدون قشر
كمية صغيرة من البقدونس
نصف حزمة كزبرة
حزمة كرفس
شوية لحمة او اسقاط الدجاج
التوابل
ملح فلفل كركم زنجبيل قرفة
ملعقتين كبار صلصة طماطم
ملعقة كبيرة سمنة بلدي
وبعدين حنحتاج ل
شوية شعيرية
3 ملعقة كبيرة نشا
2 بيضة
الطريقة
في حلة غويطة او كبة او خلاط العصير نقطع
الطماطم / البصل/الكرفس/الكزبرة/البقدونس
ونقطعهم قطع كبيرة
نضيف عليهم الماية الكافية لتسهيل الطحن
نطحنهم لغاية ما يبقى الخليط ناعم
ومفيش اثر للطماطم والبصل
بعدين نضيف التوابل واللحمة والسمنة والصلصة
نرفعها عن النار لغاية ماتاخد غلوة وتتجانس
كل العناصر
بعدين نضيف الحمص والماية الكافية
ونغطي الحلة ونسيبها لغاية ما تستوي
اللحمة والحمص كويس اوي
وبعد السوى حتتشرب الماية طبعا
نضيف ماية سخنة على حسب الكمية الي
انت عايزاها انا مليت الحلة عشان بموت في
الحريرة بحطها في التلاجة وبفصل اشرب
منها كل ما اعوزها
نسيبها لغاية ما تغلي كويس اوي
نضيف شوية شعيرية منكترش عشان
ميطلعش قوامها تقيل هي شربة
ونقلب شوية لغاية ما تستوي الشعيرية
بعدين ندوب النشا في شوية ماية
وانشا حسب الحلة الي عندك يعني ممكن
متستعمليش 3 معالق بس الحلة الي عندي
مقاسها مظبوط وممكن تعملي ملعقة وحدة
وتشوفي قوامها لو خفيف اوي تضيفي ملعقة تانية
ونصبه في الحلة مع التقليب المستمر عشان ميعملش
كتل مع الشعيرية
نسيبه لدقيقتين يغلي ويتقل القوام شوية
مش تقيل اوي
الريم ده منشيلوش عشان ده من السمنة
الي في الحريرة
تابعوني المشاركة الجاية
مواضيع هذا القسم برعاية
soso sanae soso sanae 1104489_22.gif سوبر فتكات Fatakat 1104489 تطوان – المغرب